پرەمەر-ءمينيسترى اسقار مامين «Digital Almaty: جاھاندىق ەكونوميكانىڭ تسيفرلىق بولاشاعى» فورۋمىنىڭ اشىلۋىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
فورۋم باستالماستان بۇرىن ۇكىمەت باسشىسى شارانىڭ ارنايى شاقىرىلعان قوناعى – بۇۇ باس حاتشىسىنىڭ ورىنباسارى ف. حوحشيلدپەن كەزدەسۋ وتكىزدى, وندا بۇۇ تسيفرلىق كۇن ءتارتىبىنىڭ وزەكتى ماسەلەلەرى, سونداي-اق قازاقستاننىڭ ايماقتا تسيفرلاندىرۋ مەن يننوۆاتسيالاردى ىلگەرىلەتۋدەگى ءرولى تالقىلاندى.
«دەرەكتەر مەن جاساندى زەردە نەگىزىندە تۇراقتى ايماقتى قۇرۋ» تاقىرىبىنداعى فورۋمنىڭ پلەنارلىق سەسسياسىندا سويلەگەن سوزىندە پرەمەر-مينيستر قازاقستاندا جاساندى زەردەنى قولدانۋدان بولاتىن جالپى ەكونوميكالىق تيىمدىلىك جىلىنا شامامەن $25 ملرد قۇراۋى مۇمكىن ەكەنىن اتاپ ءوتتى. ەڭ ۇلكەن ناتيجە قىزمەت كورسەتۋ سالاسىندا – جىلىنا $15 ملرد-قا دەيىن, جانە تاۋ-كەن ءوندىرۋ سالاسىندا – $9 ملرد-قا دەيىن كۇتىلۋدە. Astana Hub حالىقارالىق اT-ستارتاپتاردىڭ تەحنوپاركى يننوۆاتسيالىق ورتالىق بولۋعا شاقىرىلادى, ونىڭ نەگىزىندە «Alem» اT باعدارلامالاۋ مەكتەبى وقىتۋدىڭ زاماناۋي تاسىلدەرى مەن ادىستەرىن قولدانا وتىرىپ جۇمىس ىستەيدى.
«2019 جىلدىڭ قىركۇيەگىندە ءبىز يننوۆاتسيالىق اT-ۋنيۆەرسيتەتتى اشتىق. قازىرگى ۋاقىتتا ات-ۋنيۆەرسيتەتتىڭ Amazon جانە UNICEF سەكىلدى الدىڭعى قاتارلى اT كومپانيالارمەن جانە دامۋ ينستيتۋتتارىمەن ىنتىماقتاستىق ماسەلەسى پىسىقتالۋدا. «استانا» حالىقارالىق قارجى ورتالىعى نەگىزىندە باعدارلامالاۋشىلاردى دايىنداۋعا ماماندانعان Qwazar كومپانياسىمەن بىرگە يننوۆاتسيالىق باعدارلامالاۋ مەكتەبىن اشۋ جوسپارلانۋدا», دەدى ا. مامين.
ۇكىمەت باسشىسى دۇنيەجۇزىلىك ەكونوميكالىق فورۋممەن (دەف) بىرلەسىپ «استانا» حالىقارالىق قارجى ورتالىعى بازاسىندا دەف ءتورتىنشى ونەركاسىپتىك رەۆوليۋتسيا ورتالىعىن ىسكە قوسۋ تۋرالى كەلىسىمگە قول جەتكىزىلگەنىن اتاپ ءوتتى. ول وسى جىلدىڭ سوڭىنا دەيىن ىسكە قوسىلادى دەپ كۇتىلۋدە.
پرەمەر-مينيستر قازاقستاندا Smart Data Ukimet جوباسى اياسىندا جاساندى زەردە تەحنولوگيالارىن پايدالانۋ بويىنشا العاشقى قادامدار جاسالعانىن اتاپ ءوتتى. نازارباەۆ ۋنيۆەرسيتەتىنىڭ بازاسىندا سمارت جۇيەلەر جانە جاساندى زەردە ينستيتۋتى قۇرىلدى.
«نازارباەۆ ۋنيۆەرسيتەتىنىڭ قولدا بار الەۋەتى نەگىزىندە, دۇنيەجۇزىلىك بانكپەن بىرلەسىپ, ءوز زەرتحاناسى, دەرەكتەردى وڭدەۋ زەرتتەۋ ورتالىعى جانە جاساندى زەردەنى دامىتۋ جونىندەگى عىلىمي پاركى بار جاساندى زەردە ۇلتتىق كلاستەرىن قۇرۋ جوسپارلانۋدا. بارلىق سالالاردا جانە ءىرى كومپانيالاردا جاساندى زەردەنى ەنگىزۋ بويىنشا جۇيەلى جۇمىس جۇرگىزىلىپ جاتىر», دەدى ا. مامين.
ۇكىمەت باسشىسى جاساندى زەردە تەحنولوگيالارىن دامىتۋعا قولايلى جاعدايلار جاساۋ ءۇشىن ەاەو اياسىندا ۇيلەستىرىلگەن شارالاردى قابىلداۋدىڭ قاجەتتىگىن اتاپ ءوتتى.
«جالپى ستاندارتتار مەن ەرەجەلەردى ازىرلەۋ, دەرەكتەرمەن الماسۋ جانە ينتەگراتسيا سالاسىنداعى ساياساتتى ازىرلەۋ, عىلىمي-زەرتتەۋ قىزمەتىن دامىتۋدا بەلسەندى ءوزارا ءىس-قيمىلدى ورناتۋ ماڭىزدى», دەدى ا. مامين.
پرەمەر-مينيستر كولىك جانە لوگيستيكا سالاسىندا جاساندى زەردەنى قولدانۋ ترانزيتتىك باعىتتاردى وڭتايلاندىرۋعا ىقپال ەتەتىنىن, كەدەن سالاسىندا شەكارالاردان ءوتۋ ۋاقىتىن جەدەلدەتەتىنىن, ساۋدادا كولەڭكەلى جانە كونترافاكتىلىك اينالىم كولەمىن ازايتاتىنىن اتاپ ءوتتى.
فورۋمنىڭ پلەنارلىق سەسسياسىنا بەلارۋس پرەمەر-ءمينيسترى س. رۋماس, رەسەي پرەمەر-ءمينيسترى م. ميشۋستين, مولدوۆا پرەمەر-ءمينيسترى ي. كيكۋ, قىرعىزستان پرەمەر-ءمينيسترىنىڭ ورىنباسارى ج. رازاكوۆ جانە ارمەنيا پرەمەر-ءمينيسترىنىڭ ورىنباسارى م. گريگوريان, ەەك القاسىنىڭ توراعاسى ت. ساركيسيان, بۇۇ باس حاتشىسىنىڭ ورىنباسارى ف. حوحشيلد, «Amazon Web Services» ۇكىمەتتى ترانسفورماتسيالاۋ جونىندەگى ديرەكتورى ل. ماكسۆەلل, «01 Edu system» نەگىزىن قالاۋشى ن. ساديراك جانە ۇلىبريتانيا مەملەكەتتىك تسيفرلىق قىزمەتىنىڭ ديرەكتورى ك. فەرگيۋسون قاتىستى.
ەاەو مۇشە مەملەكەتتەر ۇكىمەتتەرىنىڭ باسشىلارى «قالا ءۇشىن ەڭ ۇزدىك ات-شەشىم», «ۇزدىك ستارتاپ-جوبا», «Big Data – جىل كومپانياسى», «مەملەكەتتىك سەكتورداعى ۇزدىك ات-جوبا», «ات-داعى جىل ايەلى», «جىلدىڭ اT-چەمپيونى» نوميناتسيالارىندا «Digital Almaty Awards» بايقاۋىنىڭ جەڭىمپازدارىنا سىيلىقتار تابىس ەتتى.
فورۋمعا قاتىسۋشىلار قۇقىق قورعاۋ, قارجى-بانك, ءبىلىم بەرۋ جانە مەديتسينالىق سالالارداعى ۇدەرىستەردى اۆتوماتتاندىرۋ جانە تسيفرلاندىرۋ بويىنشا قازاقستاننىڭ ات-كومپانيالارى مەن ستارتاپ جوبالارىنىڭ كورمەسىمەن تانىستى.