2019 جىلى قازاقستاندا 1 002 لاۋازىمدى تۇلعا جەمقورلىق ءۇشىن سوتتالعان. بۇل تۋرالى جەمقورلىققا قارسى اگەنتتىكتىڭ توراعاسى اليك شپەكباەۆ ايتتى.
«قىلمىستىق-قۇقىقتىق شارالاردىڭ قورىتىندىسىنا توقتالايىن. 1 717 جەمقورلىق قىلمىسى تىركەلدى. ولاردىڭ جارتىسىنان كوبى پارا الۋ, پارا بەرۋ دەرەكتەرى بويىنشا, 1 002 لاۋازىمدى تۇلعا سوتتالدى.
بىلتىر 112 وسىنداي قىلمىس توقتاتىلدى. كەلتىرىلگەن شىعىن - 24,6 ميلليارد تەڭگە, ونىڭ 22,7 ميللياردى قايتارىلدى», دەدى شپەكباەۆ ۆەدومستۆونىڭ 2019 جىلعى قورىتىندىسى بويىنشا جيىندا.
ايتا كەتەيىك, سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ قۇقىق بۇزۋشىلىق تۋرالى حابارلاعان ادامعا سىياقى بەرىلەتىنىن ايتتى.