بۇگىن پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمىمەن نۇرساعاتوۆ نۇربول تولەگەن ۇلى نۇر-سۇلتان قالاسى بايقوڭىر اۋدانىنىڭ اكىمى بولىپ تاعايىندالدى. بۇل تۋرالى نۇر-سۇلتان قالاسى اكىمدىگى جاريالادى.
2004-2005 جىلدارى يندۋستريا جانە ساۋدا مينيسترلىگىنىڭ قۇرىلىس كوميتەتىندە جەتەكشى مامان, باس مامان بولىپ باستاعان. 2005-2008 جىلدارى قالا اكىمدىگىنىڭ مەملەكەتتىك ساۋلەت-قۇرىلىس باقىلاۋ باسقارماسىندا باس مامان, ءبولىم باسشىسى, ديرەكتور ورىنباسارى بولعان.
2008-2011 جىلدارى استانا قالاسى اكىمدىگىنىڭ قۇرىلىس باسقارماسى باسشىسىنىڭ ورىنباسارى;
2011-2012 جىلدارى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى توراعاسىنىڭ ورىنباسارى لاۋازىمىن اتقارعان.
2014-2019 جىلدار ارالىعىندا شىعىس قازاقستان وبلىسى اكىمدىگىنىڭ كولىك جانە اۆتوموبيل جولدارى باسقارماسىنا, الماتى قالاسى اكىمدىگىنىڭ قۇرىلىس باسقارماسىنا جانە نۇر-سۇلتان قالاسى اكىمدىگىنىڭ قورشاعان ورتانى قورعاۋ باسقارماسىنا باسشىلىق جاسادى.
38 جاسار نۇرساعاتوۆ نۇربول مەريتوكراتيا قاعيداسىنا سايكەس جەتەكشى ماماننان باستاپ, كوميتەت توراعاسىنىڭ ورىنباسارى, باسقارما باسشىسى لاۋازىمىنا دەيىنگى جولداردى وتكەن تاجىريبەلى مامان.