پارلامەنت سەناتى قارجى جانە بيۋدجەت كوميتەتىنىڭ كەڭەيتىلگەن وتىرىسىندا «سالىقتىق بازانى بۇركەمەلەۋگە جانە پايدانى سالىق سالۋ اياسىنان الىپ كەتۋگە قارسى ءىس-قيمىل جاساۋ ماقساتىندا سالىقتىق كەلىسىمدەرگە قاتىستى شارالاردى ورىنداۋ جونىندەگى كوپجاقتى كونۆەنتسيانى راتيفيكاتسيالاۋ تۋرالى» زاڭ جوباسى قارالدى.
سالىقتىق بازانى بۇركەمەلەۋگە جانە پايدانى سالىق سالۋ اياسىنان الىپ كەتۋگە قارسى ءىس-قيمىل جاساۋ ماقساتىندا سالىقتىق كەلىسىمدەرگە قاتىستى شارالاردى ورىنداۋ جونىندەگى كوپجاقتى كونۆەنتسيانىڭ نەگىزگى ماقساتى قوسارلانعان سالىق سالۋدى بولدىرماۋ تۋرالى كەلىسىمدەردە كوزدەلگەن سالىقتىق جەڭىلدىكتەردى قولدانۋداعى تەرىس پايدالانۋشىلىقتارمەن كۇرەس بولىپ تابىلادى. كوپجاقتى كونۆەنتسيا سالىق تولەۋدەن جالتارۋ ماقساتىندا پايدانى سالىعى تومەن يۋريسديكتسيالارعا اۋىستىرۋعا جول بەرمەۋگە باعىتتالعان, بۇل كاسىپكەرلىك قىزمەت ءىس جۇزىندە جۇزەگە اسىرىلاتىن مەملەكەتتە پايداعا سالىق سالۋدى قامتاماسىز ەتۋدى بىلدىرەدى. بۇل رەتتە, وسى كوپجاقتى كونۆەنتسيا قسسبك بويىنشا ارىپتەس مەملەكەتتىڭ ارقايسىسىمەن كەلىسسوزدەر جۇرگىزبەي بارلىق جاسالعان قسسبك-عا وزگەرىستەر ەنگىزەتىن كوپجاقتى قۇرال بولىپ تابىلادى.
كوپجاقتى كونۆەنتسيا تومەندەگىدەي ستاندارتتاردى ۇيلەستىرۋدى كوزدەيدى:
- بارلىق جاسالعان قسسبك-دا ورتاق يدەيانى بەلگىلەۋ, سوعان سايكەس قسسبك-نى سالىق سالۋدان جالتارۋ ماقساتىندا پايدالانۋعا بولمايدى;
- قوس رەزيدەنتتىگى بار تۇلعالارعا سالىق سالۋداعى ايىرماشىلىقتاردى جويۋ;
- كەلىسىمشارتتاردى ءبولىپ تاستاۋ, اگەنتتىك, كوميسسيالىق كەلىسىمدەردى, بەلگىلى ءبىر قىزمەت تۇرلەرىنە ارنالعان ارنايى ەرەكشەلىكتەردى پايدالانۋ ەسەبىنەن تۇراقتى وكىلدىك مارتەبەسىنەن جاساندى جولمەن جالتارۋعا جول بەرمەۋ;
- جىلجىمايتىن م ۇلىك ورنالاسقان ەلدە جىلجىمايتىن م ۇلىكتى جاناما ساتۋدان تۇسەتىن تابىسقا سالىق سالۋدى قامتاماسىز ەتۋ;
- داۋلاردى شەشۋدىڭ تيىمدىلىگىن ارتتىرۋ.
«كوپجاقتى كونۆەنتسيا حالىقارالىق سالىق كەلىسىمدەرىنىڭ بىرقاتار ەرەجەلەرىن تەز وزگەرتۋگە جانە ءىرى ترانسۇلتتىق كورپوراتسيالار ءۇشىن سالىق سالۋدان جالتارۋ مۇمكىندىگىن ازايتۋعا مۇمكىندىك بەرەتىن تەتىك بولىپ تابىلادى. اتاپ ايتقاندا, كونۆەنتسيا ەلدەرگە ۇلتتىق فيسكالدىق ساياساتتى جۇرگىزۋدە يكەمدى بولۋ ءۇشىن كەلىسىلگەن ەڭ از ستاندارتتاردى بەلگىلى ءبىر ەسكەرتپەلەرمەن قولدانۋ ارقىلى قازىرگى حالىقارالىق سالىقتىق كەلىسىمدەرگە BEPS باستاماسىنىڭ نەگىزگى ەرەجەلەرىن ەنگىزۋدى كوزدەيدى», - دەدى سەناتور عۇمار دۇيسەمباەۆ.
ونىڭ ايتۋىنشا, قازىرگى كەزدە كوپجاقتى كونۆەنتسياعا الەمنىڭ 93 ەلى قوسىلدى, 38 ەل راتيفيكاتسيالادى.
زاڭ جوباسى پالاتانىڭ قاراۋىنا جىبەرىلدى.