3 اقپاندا قازاقستاننىڭ بارلىق ءبىلىم بەرۋ ۇيىمدارىندا ء«وزىن-ءوزى تانۋ: سۇيىسپەنشىلىك جانە شىعارماشىلىق پەداگوگيكاسى» رەسپۋبليكالىق ونكۇندىگى باستاۋ الادى.
كوپتەگەن جىل بويى ونكۇندىكتى وتكىزۋ وقۋشىلار مەن پەداگوگتار جاقسى كورەتىن جانە كۇتەتىن يگى ءداستۇر, ءوزىن-ءوزى تانۋ ولار ءۇشىن ناعىز مەرەكە.
وسى ونكۇندىك قارساڭىندا «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعىندا ء«وزىن-ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىنىڭ اۆتورى س. ا. نازارباەۆانىڭ قىزمەتى تۋرالى «مەيىرىم توگەتىن انا» كىتاپ كورمەسى اشىلادى. شارا بارىسىندا «بۇل الەم قانداي عاجاپ», «سۇيىسپەنشىلىككە تولى جۇرەك», «سەردتسە ناپولنەننوە ليۋبوۆيۋ» كورمەلەرىندە ءبىلىم الۋشىلار مەن وقۋشىلار وزدەرىنىڭ شىعارماشىلىق جۇمىستارىن ۇسىنادى.
3 اقپاندا «بوبەك» ورتالىعىنىڭ قىزمەتكەرلەرى ءۇشىن «سۇيىسپەنشىلىك – ءومىر نەگىزى» تاقىرىبىنا ساباق وتكىزىلەدى.
«رۋحانيلىقتىڭ كاۋسار بۇلاعى» شىعارماشىلىق فەستيۆالى شەڭبەرىندە «ۇزدىك اۆتورلىق ولەڭ», «ۇزدىك ولەڭ وقۋشى», «ۇزدىك تەاتر قويىلىم» جانە «اندەردى ۇزدىك ورىنداۋ» اتالىمدارى بويىنشا كونكۋرستار وتكىزىلەدى.
ءىس-شاراعا ء«وزىن-ءوزى تانۋ» بالاباقشاسىنىڭ تاربيەلەنۋشىلەرى, ء«وزىن-ءوزى تانۋ» گيمنازياسىنىڭ وقۋشىلارى, اتا-انالار, ء«وزىن-ءوزى تانۋ» گۋمانيتارلىق كوللەدجىنىڭ ءبىلىم الۋشىلارى, ادامنىڭ ۇيلەسىمدى دامۋى ينستيتۋتىنىڭ, وبسەرۆاتوريا جانە «بوبەك» ورتالىعىنىڭ وقۋ-ساۋىقتىرۋ كەشەنىنىڭ قىزمەتكەرلەرى قاتىسادى.
ال 12 اقپاندا قازاقستان رەسپۋبليكاسىنىڭ بارلىق ءبىلىم بەرۋ ۇيىمدارىندا «سۇيىسپەنشىلىك – ءومىر نەگىزى» جالپى رەسپۋبليكالىق ساباق وتكىزىلەدى.