الدىن ايتا كەتۋ كەرەك, بيىلعى جىلدىڭ 31 ناۋرىزىنا دەيىن بارلىق قازاقستاندىقتار شارتتى تۇردە ساقتاندىرىلعان دەپ ەسەپتەلىپ, مارتەبەسىنە قاراماستان ءمامس شەڭبەرىندە مەديتسينالىق كومەككە جۇگىنە الادى.
دەگەنمەن, 1 ساۋىردەن باستاپ بارلىق ازاماتتار ساقتاندىرىلعان بولۋى كەرەك. ويتكەنى مەديتسينالىق قىزمەتتەردىڭ تولىقتىعى مەن ساپاسى وسىعان بايلانىستى بولماق.
سونىمەن بۇگىن قالا قالا اكىمى باقىتجان ساعىنتاەۆ ورتالىق قالالىق كلينيكالىق اۋرۋحاناسى مەن №4 قالالىق ەمحاناسىندا بولىپ, بۇل ەمدەۋ مەكەمەلەرىنىڭ ءمامس جۇيەسى بويىنشا قالاي جۇمىس ىستەپ جاتقانىن تەكسەردى.
مەگاپوليس اكىمى وسى جاڭا جۇيە بويىنشا مەديتسينالىق كومەك كورسەتۋ جۇمىسىمەن تانىسىپ, اقپاراتتىق جۇيەلەردىڭ, سونداي-اق مەديتسينالىق قىزمەتكەرلەردىڭ دايىندىعى مەن پاتسيەنتتەردىڭ بۇل جۇيەگە دەگەن پىكىرىن سۇراستىردى.
سونداي-اق الماتىداعى مەديتسينالىق ۇيىمدارىندا قولداۋ قىزمەتتەرى جۇمىس ىستەيدى. وندا پاتسيەنتتەرگە ەمحاناعا تىركەلۋگە جانە ءمامس جۇيەسىنىڭ قاتىسۋشىسى بولۋعا كومەك بەرىلەدى. ءمامس-كە تولەم جۇرگىزۋ ءۇشىن تەرمينالدار سانى ارتادى.
«الماتىلىقتاردى دەنساۋلىققا قاتىستى ماڭىزدى ماسەلەنى كەيىنگە قالدىرماي, ەمحاناعا جۇگىنۋگە شاقىرامىن» دەپ جازدى ب.ساعىنتاەۆ ءوزىنىڭ رەسمي Instagram پاراقشاسىندا.
ءوز كەزەگىندە ءمامس-ءتى ەنگىزۋ پروتسەسىنە قالالىق شتاب جەتەكشىلىك ەتەدى.
الماتى قالاسى اكىمدىگى قانادي دا سۇراقتار تۋىنداعان جاعدايدا +7 (727) 300-0103 تەلەفونى ارقىلى, سونداي-اق 1406 ءنومىرى بويىنشا رەسپۋبليكالىق Call-ورتالىعىنا حابارلاسۋ قاجەتتتىگىن ەسكەرتەدى.
جانە بۇل كۇندەرى الماتىدا بدسۇ ۇسىنىستارىنا سايكەس كوروناۆيرۋس ينفەكتسياسىنا قارسى ءىس-قيمىل شارالارى كۇشەيتىلىپ وتىر.