بيىل ەلوردانىڭ سارىارقا اۋدانى اۋماعىندا جاڭا اۋرۋحانا جانە وتباسىلىق دەنساۋلىق ساقتاۋ ورتالىعى سالىنادى. بۇل تۋرالى اۋدان اكىمى ەرعالي ەگەمبەردى تۇرعىندار الدىندا ەسەپ بەرۋ كەزدەسۋى بارىسىندا ءمالىم ەتتى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
«قالالىق اكىمدىك ينۆەستورلارمەن بىرلەسە وتىرىپ, مامانداندىرىلعان حالىققا قىزمەت كورسەتۋ ورتالىعى اۋماعىندا جاڭا اۋرۋحانا تۇرعىزۋ جوسپارلانۋدا. سونىمەن قاتار «ۇيدەگى دارىگەر» تۇجىرىمداماسى دا ءساتتى جۇزەگە اسىرىلۋدا. ونداعى ماقسات – امبۋلاتوريالىق ورتالىقتىڭ حالىققا قولجەتىمدى جەردە بولۋى. ودان بولەك, وتكەن جىلى №5 «وتباسىلىق دەنساۋلىق» ورتالىعى اشىلدى. ول ءوز كەزەگىندە «كوكتال-2»-ءنىڭ 17 مىڭ تۇرعىنىن مەديتسينالىق قىزمەتپەن قامتىدى. ۇستىمىزدەگى جىلى «كوكتال-1»-دەن 15 مىڭ تۇرعىندى قامتيتىن تاعى ءبىر «وتباسىلىق دەنساۋلىق» ورتالىعىن اشۋ مۇمكىندىگى قاراستىرىلۋدا» دەدى سارىارقا اۋدانىنىڭ اكىمى ەرعالي ەگەمبەردى.
ونىڭ ايتۋىنشا, اۋدان كولەمىندە 26 دەنساۋلىق ساقتاۋ نىسانى جۇمىس ىستەيدى.
«بۇگىندە ءبىزدىڭ اۋداندا 26 دەنساۋلىق ساقتاۋ نىسانى بار. ونىڭ 14-ءى – مەملەكەتتىك مەكەمە. ءىشىنارا ايتار بولساق, 6 ەمحانا جانە ونىڭ 4 فيليالى, 1 پەريناتالدىق ورتالىق, جقتب-عا قارسى كۇرەس ورتالىعى, دەرماتولوگيا ورتالىعى جانە 7 قالالىق جەكەشەلەندىرىلگەن جەدەل مەديتسينالىق جاردەم ستانتسياسى. 2019 جىلى اۋدانىمىزدا 8 264 ءسابي دۇنيەگە كەلدى» دەدى ول.