«اتامەكەن» وڭىرلىك كاسىپكەرلەر پالاتاسى قارجىلاي ەمەس قولداۋ ءبولىمىنىڭ مالىمەتىنشە, «ىسكەرلىك بايلانىستار» جوباسى «بيزنەستىڭ جول كارتاسى-2025» مەملەكەتتىك باعدارلاماسى اياسىندا جۇرگىزىلۋدە.
جوبا ەكونوميكانىڭ ماڭىزدى سالالارىندا قىزمەت ەتەتىن جوعارى جانە ورتا بۋىنداعى باسشىلاردى وقىتىپ, ولاردىڭ ءبىلىم-بىلىكتىلىگىن ارتتىرۋعا باعىتتالعان.
قاتىسۋشىلار الدىمەن وبلىس ورتالىعىندا وتەتىن ءۇش اپتالىق كۋرسقا قاتىسادى. وتاندىق جانە شەتەلدىك بيزنەس-ترەنەرلەر تاۋاردى ساتۋ, كەلىسسوزدەر جۇرگىزۋ باعىتتارىندا ءدارىس وقيدى.
سونىمەن قاتار WhatsApp الەۋمەتتىك جەلىسىندەگى توپتا ۆەبينار جۇرگىزىلەدى. وقۋ كۋرسىنىڭ سوڭىندا قاتىسۋ شىلارعا سەرتيفيكاتتار تابىس- تالادى.
وقۋدان وتكەن كاسىپكەرلەر ەكىنشى كەزەڭگە, ياعني گەرمانياداعى تاعىلىمداماعا قاتىسۋ ءۇشىن ءتيىستى قۇجاتتاردى تاپسىرىپ, بيزنەس-جوسپار ازىرلەيدى.
«اتامەكەن» ۇلتتىق كاسىپكەرلەر پالاتاسىنىڭ نۇر-سۇلتان قالاسىنداعى ورتالىق اپپاراتىندا اڭگىمەلەسۋدەن وتەدى.
ناتيجەسىندە ەلىمىز بويىنشا ونداعان كاسىپكەر ىرىكتەلىپ, شەتەلدىك ارىپتەستەرىمەن تاجىريبە الماسۋ مۇمكىندىگىنە يە بولادى.
بۇل ماقسات ءۇشىن «اتامەكەن» ۇلتتىق كاسىپكەرلەر پالاتاسى مەن گەرمانيالىق ورتالىق اراسىندا ءوزارا كەلىسىمشارت جاسالعان.
بارىپ-قايتۋلارى, وقۋى, تاعىلىمدامادان ءوتۋى – بارلىعى تەگىن. كاسىپكەرلەردىڭ گەرمانيادا 4 اپتا بويى كاسىپورىندارعا بارىپ, ترەنينگتەرگە قاتىسۋىنا قاجەت قاراجاتتى مەملەكەت وتەيدى.
گەرمانيالىق مامانداردىڭ شەبەرلىك ساعاتتارى ورىس جانە اعىلشىن تىلدەرىندە وتەدى.
ال, «ىسكەرلىك بايلانىستار» جوباسى قولعا الىنعان 2016 جىلدان باستاپ 80 –گە جۋىق كاسىپكەر بارىپ قايتتى.
وتكەن جىلى جوبانىڭ العاشقى كەزەڭىندە 37 كاسىپكەر ءبىلىم الدى. گەرمانيادا تاعىلىمدامادان وتكەن كاسىپكەرلەرمەن ارنايى كەلىسىمشارت جاسالادى. ولار باسشىلىق ەتەتىن كاسىپورىنداردىڭ ءبىر جىلعى جۇمىسىنا مونيتورينگ جۇرگىزىلەدى.
جارتى جىلدا ءبىر رەت نارىق اۋقىمىنىڭ كەڭەيۋى, قۋاتتىلىقتىڭ ارتۋى, بايلانىستار ورناتۋ, كەلىسسوزدەر جۇرگىزۋ جانە تاعى باسقا باعىتتار بويىنشا ەسەپ بەرەدى.