اقتوبە وبلىسىندا بيىلعى ۆولونتەرلەر جىلىنا ارنالعان جوبالار مەن ءىس-شارالاردىڭ تۇساۋ كەسۋ ءراسىمى وتكىزىلدى. پرەزيدەنت قاسىم-جومارت توقاەۆ اتالعان جىل اياسىندا «بىرگەمىز» اتتى تۇجىرىمدامانى بەكىتكەنى بەلگىلى. ونى وسى كەزەڭدە اتقارىلاتىن جان-جاقتى جۇمىستاردىڭ باستى تەمىرقازىعى دەسە دە بولادى.
تۇجىرىمداما نەگىزىندە جەتى باعىت بويىنشا جالپى ۇلتتىق جوبالار جۇزەگە اسىرىلماق. اقتوبە وبلىستىق جاستار ساياماتى ماسەلەلەرى باسقارماسىنىڭ باسشىسى مەيرامبەك ماحامبەتوۆ وسىعان وراي وڭىردە ء«بىلىم», «ساباقتاستىق», «تازا قازاقستان», «اسىلمۇرات», «قامقور» جانە ء«ۇمىت» اتتى باعىتتارعا باسىمدىق بەرىلگەنىن ايتىپ بەردى. ونىڭ مالىمدەۋىنشە بۇل ايماقتا ەرىكتىلەر قوزعالىسىن كەڭىنەن ورىستەتۋدىڭ باستى ءبىر جولى بولماق.
قازىرگى كەزدە وبلىستا قۇرامىندا 1500-دەن استام ادامى بار 36 ەرىكتىلەر توبى قىزمەت جاسايدى. ولاردىڭ 17- ءسى اقتوبە قالاسىندا بەلسەندى ءىس-قيمىل تانىتىپ جۇرسە, 17-ءسى وبلىس اۋداندارىندا ساباقتاستىقتىڭ جانە جاڭىشىلدىق پەن جاسامپازدىقتىڭ ۇلگىسىن كورسەتۋدە. بۇل رەتتە اقتوبە ايماعىندا رەسمي تۇردە تىركەلگەن ۆولونتەرلەر توپتارى ءبىراز جىلداردان بەرى ءوز جۇمىستارىن تۇراقتى تۇردە جۇرگىزىپ كەلەدى. ولاردىڭ العا قويعان باستى ماقساتى مۇقتاج جاندارعا رۋحاني ادامگەرشىلىك تۇرعىدان جانە قوعامدىق قابىلداۋ قابىرعاسىنان قاجەتتى كومەكتەر بەرۋ بولىپ وتىر.
وسى ورايدا ءاربىر ۆولونتەرلىك توپتىڭ وزدەرىنە ءتان ءىس-يمىل ەرەكشەلىگى بار ەكەنى, ولاردى دارالاماي, كەرىسىنشە ءبىرىن-ءبىرى بايىتىپ, تولىقتىرىپ جۇرگەنى دە ءسۇيىنىشتى ءجايت. ايتالىق العاشقى توپ كومەكتى قاجەت ەتەتىن جالعىزلىكتى جاندار مەن مۇمكىندىگى شەكتەۋلى ازاماتتاردىڭ جاندارىندا جۇرسە, ەكىنشىسى قاريالار مەن انالار ۇيلەرىنە ءجيى بارىپ, ولارمەن تىعىز قارىم-قاتىناس ورناتۋىد باستى پارىزدارى دەپ بىلەدى.
وبلىستا مەديتسينالىق كومەك كورسەتۋگە باعىت ۇستاعان ۆولونتەرلەر توپتارى دا جاساقتالعان. سونداي-اق سوناۋ كەڭەستىك كەزەڭدە قالىپتاسقان «قىزىل جارى اي» قوعامى ءوز جۇمىستارىن بۇگىنگى قازاقستاندىق قوعام مۇددەسىنە بەيىمدەي بىلگەنى دە سۇيسىندەرمەي قويمايدى. ايتالىق, قازىرگى كەزدە جاستار مەن ستۋدەنتتەردىڭ اراسىندا رەپرودۋكتيۆتك دەنساۋلىعى ناشار قوعام مۇشەلەرى ءجيى كەزدەسىپ قالىپ جۇرگەنى جاسىرىن ەمەس. ەگەر باس كوتەرە باستاعان بۇل دەرتتىڭ الدى الىنباسا, ەرتەڭ ونىڭ اياعى ۇلكەن وكىنىشتەرگە اپارىپ سوقتىرماسىنا ەشكىم كەپىلدىك بەرە المايدى. ۇلى نارسەدە ۇياتتىق بولمايدى. وتباسىن قۇرعان ەرلى-زايىپتىلاردىڭ رەپرودۋكتيۆتىك دەنساۋلىقتارى تومەندىگىنەن ۇرپاق سۇيە الماۋى –باقىتسىزدىقتىڭ ءبىر كورىنىسى ەمەس پە؟ بۇل باعىتتا «رەپرودۋكتيۆتى دەنساۋلىق» جانە «العاشقى مەديتسينالىق كومەك» اتتى كاسىبي دارىگەرلەردەن قۇرالعان ۆولونتەرلەر توبى وزدەرىنە جولىققان جاندارعا جان جىلۋى ەن شيپا جىلۋىن قوسا بەرۋگە قاشان دا ءازىر. وڭىردەگى ۆولونتەرلەر ارمياسىنىڭ تاعى ءبىر وكىلى ەكولوگيالىق باعىتتا تۋىنداعان ماسەلەلەر مەن پروبلەمالاردى شەشۋگە قاتىستى ءوز ۇندەرىن ايقىن جەتكىزۋدە. سونداي-اق «زەردە» دەگەن اتاۋعا يە ۆولونتەرلىك توپ ءىس-ءتۇسسىز جوعالىپ كەتكەن ادامداردىڭ دەرەكتەرىن ىزدەستىرىپ تابۋعا قاتىستى جوسپار جاساپ, العا قويعان ماقساتتارىنا قول جەتكىزۋدى كوزدەيدى. بۇل تۇرعىدا ولار ءوز جۇمىستارىن توتەنشە جاعدايلار جونىندەگى مەملەكەتتىك قۇرىلىمدارمەن جانە قۇقىق قورعاۋ ورگاندارمەن قويان-قولتىق قىزمەت اجساۋعا بەكەم بەل بۋعان.
بيىلعى ۆولونتەر ىلىندا اقتوبە ايماعىنداعى جىل يەلەرى العا قويعان وي-جوسپارلار مەن جوبالار ەرتەڭگى كۇننىڭ تىندىرىلعان ناقتى ىسىنە اينالسا يگى.