قۇرلىقتىق حوككەي ليگاسىنىڭ (قحل) كەزەكتى تۋر ويىنىن سانكت-پيتەربۋرگتە وتكىزگەن نۇر-سۇلتاننىڭ «بارىسى» جەرگىلىكتى سكا-دان ۇتىلىپ قالدى.
ءبىرىنشى كەزەڭنىڭ 4 مينۋتىنداعى يۆان موروزوۆتىڭ گولىنان كەيىن سكا العا شىقتى - 1:0. بۇل ەسەپ ۇزىلىسكە دەيىن ساقتالدى.
ەكىنشى كەزەڭدە كورەرەمەندەر قاقپاعا سوعىلعان بەس گولدىڭ كۋاسى بولدى. تارقاتىپ ايتساق, 23 مينۋتتا كەرتيس ۆولك ەسەپتى تەڭەستىردى – 1:1. 26 مينۋتتا ۆاسيلي گلوتوۆ جەرگىلىكتى جانكۇيەرلەردى قۋانتتى – 2:1. 30 جانە 33 مينۋتتاردا نيكتيتا ميحايليس قاتارىنان ەكى شايبانى قاقپا تورىنا ءدال ءتۇسىردى – 2:3. 35 مينۋتتا ۆاسيلي پودكولزين تارازى باسىن تەڭسەلتتى – 3:3.
ءۇشىنشى كەزەڭدە ايدىن يەلەرى قوناقتارعا باس كوتەرتپەدى. سكا حوككەيشىلەرى قاقپامىزعا ءتورت گول سوقسا, ءبىزدىڭ جىگىتتەر ءبىر عانا شايبامەن جاۋاپ بەرە الدى. قورىتىندى ەسەپ – 4:7.