شىمكەنت قالاسى اكىمدىگىنىڭ باستاماسىمەن قولعا الىنعان «مارتەبەلى پوەزيا مىنبەرى» اتتى پوەزيا اپتالىق باعدارلاماسى اياسىندا اقىن, قازاقستان رەسپۋبليكاسىنىڭ ەڭبەك سىڭىرگەن قايراتكەرى, قازاقستان رەسپۋبليكاسى جازۋشىلار وداعىنىڭ باسقارما مۇشەسى قاسىمحان بەگمانوۆتىڭ شىعارماشىلىعىنا ارنالعان پوەزيا كەشى ءوتتى. بۇل تۋرالى شىمكەنت قالاسى اكىمدىگىنىڭ ءباسپاسوز قىزمەتى حابارلادى.
پوەزيا كەشىنىڭ شىمىلدىعىن شىمكەنت قالاسىنىڭ مادەنيەت, تىلدەردى دامىتۋ جانە ارحيۆتەر باسقارماسى باسشىسىنىڭ ورىنباسارى شارافيەۆا عاليا اليكەنقىزى باستاپ, ىزگى تىلەگىن جەتكىزدى.
كەشتە قاسىمحان بەگمانوۆتىڭ سوزىنە جازىلعان اندەر شىرقالىپ, ۇلى ابايدىڭ ولەڭدەرى وقىلىپ, ناعىز پوەزيالىق كەشكە ۇلاستى. اقىندى قولداپ-قۋاتتاپ كەلگەن اقىن-جازۋشىلار, ولەڭ سۇيەر قاۋىم جىردان سۋسىنداپ قايتتى.
كەش كەيىپكەرى قاسىمحان بەگمانوۆ مارتەبەلى مىنبەگەن كوتەرىلىپ, تولقىنىسپەن قۋانىشىن جەتكىزدى. ءالى سياسى كەپپەگەن, جۇرەكتەن شىققان ولەڭىن وقىپ, كوپشىلىكتىڭ قوشەمەتىنە بولەندى.