20 قاڭتار مەن 2 اقپان ارالىعىندا مەلبۋرندە وتەتىن اۆستراليانىڭ اشىق بىرىنشىلىگىنىڭ العاشقى اينالىمىندا قازاقستاننىڭ تەننيسشىلەرى كىمدەرگە قارسى وينايتىنى بەلگىلى بولدى.
ەرلەر باسەكەسىندە ەكى جەرلەسىمىز ونەر كورسەتەدى. اتاپ ايتساق, الەكساندر بۋبليك كورت قوجايىنى دجوردان تومپسونمەن كۇش سىناسسا, ميحايل كۋكۋشكين اۋستراليانىڭ تاعى ءبىر وكىلى مارك پولمانپەن شەبەرلىك بايقاسادى.
ايەلدەر اراسىندا ءۇش ارۋىمىز كورتقا شىعادى. يۋليا پۋتينتسەۆا مەن زارينا دياس اقش ويىنشىلارى بەرناردا پەرا مەن اماندا انيسيموۆامەن سايىسقا تۇسسە, ەلەنا رىباكينا تايپەيلىك سۋ-ۆەي سەمەن كەزدەسەدى.
سونداي-اق دميتري پوپكونىڭ دا اۋستراليانىڭ اشىق بىرىنشىلىگىنە قاتىسۋىنا مۇمكىندىگى بار. ول ءۇشىن وتانداسىمىز ىرىكتەۋ سىنىنان ىركىلمەي وتۋگە ءتيىس.