«بەيمەزگىل ۋاقىتتا قاڭعىرعان جاسوسپىرىمدەر قوعامدىق تارتىپكە قاۋىپ توندىرەدى». سولتۇستىك قازاقستان وبلىسى پوليتسيا دەپارتامەنتىنىڭ باستىعى, پوليتسيا پولكوۆنيگى مارات تولەباەۆ وبلىستىڭ يۋۆەنالدىق پوليتسەيلەرمەن كەزدەسۋىندە وسىنى اتاپ ايتتى.
ءوڭىردىڭ باس پوليتسەيى بالالارمەن تىكەلەي جۇمىس ىستەيتىن يۋۆەنالدىق قىزمەتكەرلەرمەن جۇزدەستى. وعان وبلىستىڭ بارلىق 13 اۋدانىنداعى كامەلەتكە تولماعاندار ىستەرى جونىندەگى ينسپەكتورلار بەينە بايلانىس ارقىلى قاتىسىپ وتىردى.
يۋۆەنالدىق پوليتسيا جۇمىسىنىڭ ناتيجەلەرى تۋرالى ەگجەي-تەگجەيلى باياندامانى پد جەرگىلىكتى پوليتسيا قىزمەتى باستىعىنىڭ ورىنباسارى, پوليتسيا مايورى الەكساندر روزباح جاساپ, وبلىستا 142 مىڭنان استام ءجاسوسپىرىم بار ەكەنىن, ولاردىڭ 72 مىڭعا جۋىعى – مەكتەپ وقۋشىلارى ەكەنىن جەتكىزدى. «وبلىستا 513 ءبىلىم ورداسى جۇمىس ىستەيدى. ولار: 486 مەكتەپ, 25 كوللەدج بەن 2 جوعارى وقۋ ورنى. مۇنداعى قاۋىپسىزدىك پەن قۇقىقتىق تارتىپكە كامەلەتكە تولماعانداردىڭ ىستەرى جونىندەگى 97 ينسپەكتور جاۋاپ بەرەدى» دەدى ول.
2019 جىلى مۇددەلى ورگاندارمەن بىرلەسىپ, ۋچاسكەلەردە 700-گە تارتا رەيد پەن وزگە دە 146 ءىس-شارا وتكىزىلىپتى. سونىڭ ناتيجەسىندە پوليتسياعا 3884 كامەلەتكە تولماعان ءجاسوسپىرىم جەتكىزىلگەن. بالالارىنىڭ تۇنگى ۋاقىتتا ۇيدەن تىس جانە كوڭىل كوتەرۋ ورىندارىندا جۇرگەنى ءۇشىن 2373 زاڭدى وكىل مەن كوڭىل كوتەرۋ ورىندارىنىڭ 26 يەسى جاۋاپكەرشىلىككە تارتىلعان. 237 كامەلەتكە تولماعان, سونداي-اق, 249 قولايسىز وتباسى رەتىندە ەسەپكە قويىلىپتى. وتكەن جىلى يۋۆەنالدىق پوليتسەيلەر قۇقىقتىق تاقىرىپتا 4687 تاربيەلىك باياندامالار جاساعان.
مارات تولەباەۆ جاسوسپىرىمدەر تاراپىنان بولاتىن جانە ولارعا قاتىستى جاسالاتىن قىلمىستاردى بولدىرماۋ بويىنشا بىرقاتار ناقتى تاپسىرمالار بەردى. كەڭەستى قورىتىندىلاي كەلە ول قىلمىستار مەن قۇقىق بۇزۋشىلىقتاردىڭ الدىن الۋ بويىنشا جۇمىستاردى وقۋ ورىندارىنىڭ ۇستازدارىمەن بىرلەسە وتىرىپ, كەشەندى تۇردە جۇرگىزۋ كەرەكتىگىن تاپسىردى. ء«تارتىبى جامان ءاربىر جاسوسپىرىممەن جۇمىس ىستەي ءبىلۋىمىز كەرەك. وتباسىدا بولاتىن زورلىق-زومبىلىقتىڭ, قاتىگەزدىكتىڭ ەرتە كەزدەن الدىن الۋ ءۇشىن جاسوسپىرىمدەردىڭ وتباسىلارىنا بارۋدى قولعا الىپ, ءاربىر وتباسىداعى جاعدايدى زەردەلەۋىمىز قاجەت» دەدى ول.