سەناتورلار ماڭعىستاۋدا كاسىپكەرلىكتىڭ دامۋىن تالقىلادى

بيزنەس - ەل دامۋىنىڭ نەگىزگى باعىتى, قوزعاۋشى كۇشى. سوندىقتان دا كاسىپكەرلەر پالاتاسىنىڭ قاتىسۋىمەن شاعىن كاسىپكەرلىكتى نەسيەلەندىرۋ جولدارىن وڭتايلاندىرۋ ماسەلەسى كوتەرىلدى. «اتامەكەن» ميكرو قارجى ۇيىمى قۇرىلعان 3,5 جىل ىشىندە 2,2 ملرد تگ سوممادا شاعىن كاسىپكەرلىك سۋبەكتىلەرىنە نەسيە بەرگەن. سونىڭ كومەگىمەن وبلىستا 405 بيزنەس نىسانى اشىلىپ, كاسىبىن دوڭگەلەتىپ وتىر. ستاتيستيكاعا جۇگىنسەك, ەكىنشى دەڭگەيلى بانكتەردەن نەسيە الىپ ءىس باستاعانداردان گورى, «اتامەكەن» ميكروقارجى ۇيىمىنان نەسيە العاندار, شاعىن قارجىعا كوپ ادامدى جۇمىسپەن قامتۋ جاعىنان ەرەكشەلەنەدى. سوندىقتان دا شاعىن بيزنەستى نەسيەلەندىرۋدىڭ جاڭا جولى ۇسىنىلدى.

- «اتامەكەن» ميكروقارجى ۇيىمىمەن بەرىلگەن نەسيەنىڭ 97%-ىن كاسىپكەرلەر وتەدى. ارتىلعان ءۇمىت اقتالدى, نەسيەنى ەشقانداي قيىندىقسىز راسىمدەپ, ونى وندىرۋدە تاجىريبە بار. سوندىقتان دا «اتامەكەنگە» قارجى ينستيتۋتتارى, وپەراتورلارمەن تەڭ دارەجەدە جاعداي جاسالسا يگى.   ويتكەنى, ىسكەرلەر مەن كاسىپكەرلەر پالاتاسى ورتاسىنداعى دەلدالعا ۋاقىت تا, ارتىق قاراجات تا جۇمسالىپ وتىر. شاعىن بيزنەستى نەسيەلەندىرۋ شارتتارىن, ادىستەرىن وڭتايلاندىرۋ قاجەت, دەدى وڭىرلىك كاسىپكەرلەر پالاتاسى ديرەكتورى نۇربەك قاراساەۆ.

ءوز كەزەگىندە سەنات دەپۋتاتى ميحايل بورتنيك: «بيزنەستى نەسيەلەندىرۋدى ودان ءارى جەتىلدىرۋ, كاسىپكەرلەر پالاتاسىنىڭ وسى جولداعى ورنىن ايقىنداۋ ماسەلەسىن رەسپۋبليكالىق دەڭگەيدە كوتەرەمىز. ويتكەنى, بۇل ماسەلە ەلىمىزدىڭ بارلىق وڭىرىنە ورتاق. كاسىپكەرلىككە حالىقتى تارتۋ, جۇمىسسىزدىقتى ازايتۋ ماڭىزدى شارالاردىڭ ءبىرى دەپ بىلەمىز»,- دەپ ناقتىلادى.

كەزدەسۋ سوڭىندا مو كاسىپكەرلەر پالاتاسى جانىنداعى وڭىرلىك كەڭەس توراعاسى بەكمۇرات ءجۇسىپوۆ ماڭعىستاۋدىڭ سەنىمى مەن ءۇمىتىن ارقالاپ جۇرگەن سەناتورلارعا ساتتىلىك تىلەدى. پايىمدى پىكىرلەر ايتىلعان كەلەلى كەزدەسۋلەر الداعى ۋاقىتتا دا جالعاسىن تابۋىنا تىلەكتەستىك ءبىلدىردى.