بياتلوننان گەرمانيانىڭ وبەرحوفف قالاسىندا ءوتىپ جاتقان الەم كۋبوگىنىڭ ءتورتىنشى كەزەڭىندە قازاقستان ەرلەر كومانداسى ەستافەتادان 17-ءشى ورىن يەلەندى, دەپ حابارلادى ۇوك ءباسپاسوز قىزمەتى.
ەستافەتاعا جالپى ەسەبى 26 كوماندا قاتىستى. قازاقستان اتىنان انتون پانتوۆ, رومان ەرەمين, ۆلاديسلاۆ ۆيتەنكو جانە تيمۋر كۋتس جارىس جولىنا شىققان بولاتىن. تارتىستى باسەكەدە قازاقستاندىقتار 17-ءشى ورىن يەلەندى. سونداي-اق الەم كۋبوگى رەيتينگىندە قازاقستان كومانداسى ەكى ورىنعا جوعارىلاپ, 21-ءشى ساتىعا تۇراقتادى.
ەرلەر اراسىنداعى ەستافەتادا نورۆەگيا توپ جارسا, فرانتسيا كۇمىس, گەرمانيا سپورتشىلارى قولا جۇلدەگەر اتاندى. ال ايەلدەر كومانداسى اراسىنداعى ەستافەتادا قازاقستان كومانداسى 19-شى ورىننان كورىندى.