اقش-تىڭ اتلانتيك سيتي قالاسىندا وتكەن كاسىپقوي بوكس كەشىندە جارتىلاي ورتا سالماقتاعى قازاقستاندىق باقتيار ەيۋبوۆ ءوزىنىڭ 17 جەكپە-جەگىن وتكىزدى.
وسىعان دەيىن 14 رەت (12 نوكاۋت) ۇتىپ, ءبىر رەت ۇتىلىپ, تاعى ءبىر رەت تەڭ تۇسكەن جەرلەسىمىز بۇل جولى امەريكالىق دجارون ەننيسپەن كۇش سىناستى. ول وتە مىقتى بوكسشى. اقش-تىڭ وكىلى بۇل كۇنگە دەيىن 24 رەت شارشى الاڭعا كوتەرىلىپ, بارلىق قارسىلاسىنان باسىم تۇسكەن ەدى. 22 باسەكەنى مەرزىمىنەن بۇرىن اياقتادى.
بۇل باسەكەدە دجارون ەننيستىڭ باسىمدىعى بىردەن بايقالدى. ءبىرىنشى راۋندتا-اق ول قارسىلاسىن ەكى رەت ەسەڭگىرەتتى. باقتيار نامىسقا تىرىسقانىمەن, امەريكالىق ونى اۋىر سوققىلاردىڭ استىنا الدى. ءتورتىنشى راۋندتا تورەشى جەكپە-جەكتى توقتاتۋعا ءماجبۇر بولدى.