الماتى قالاسىنىڭ ماڭىنداعى اۋدانداردىڭ اۋماعىندا جەكە تۇرعىن ءۇي قۇرىلىسى قىزۋ ءجۇرىپ جاتقانى بەلگىلى. بۇل ءۇردىس جەر تەلىمدەرىنىڭ ساتۋعا دەگەن سۇرانىستى ارتتىرىپ, جوبالانباعان قۇرىلىس نىساندارىنىڭ كوبەيۋىنە دە جول اشىپ وتىر.
مىسالعا, 2018 جىلى الماتى وبلىسىنىڭ مامانداندىرىلىعان اۋدانارالىق ەكونوميكالىق سوتى رۇحساتسىز سالىنعان تۇرعىن ءۇي قۇرىلىسىن زاڭداستىرۋعا قاتىستى جالپى سانى 47 ءىس قاراپ, 11 ءىس بويىنشا وڭ شەشىمىن شىعارىپتى. قالعان 35 وتىنىشكە وراي زاڭ تالاپتارىنىڭ ورىندالماعانى انىقتالىپ, ءىس كەرى قايتىرىلعان. وندىرىسكە جىبەرىلگەن 1 ءىس توقتالىپ, زاڭسىزدىقتىڭ جولى كەسىلگەن.
ال وتكەن جىلدىڭ 11 ايى ارالىعىندا سوت تورەشىلەرىنە رۇقساتسىز سالىنعان تۇرعىن ءۇي قۇرىلىسىن زاڭداستىرۋعا قاتىستى 33 ءوتىنىش تۇسكەن. زەردەلەۋدەن وتكەننەن كەيىن 3 ءوتىنىش قاناعاتتاندىرىلىپ, 30 ءىس بويىنشا تىركەلگەن قۇرىلىستى زاڭداستىرۋ بولمايدى دەگەن شەشىم شىعارىلدى.