ساپار بارىسىندا قازاقستان حالقى اسسامبلەياسى اتىنان سايلانعان دەپۋتات ا.مۋرادوۆ دوستىق ۇيىندە ەتنومادەني بىرلەستىك توراعالارى جانە مو قحا جانىنداعى «جاڭعىرۋ جولى» وڭىرلىك جاستار قوزعالىسىنىڭ مۇشەلەرىمەن كەزدەستى. كەزدەسۋ بارىسىندا دەپۋتات ا.مۋرادوۆ پارلامەنت ءماجىلىسىنىڭ 2019 جىلى اتقارعان جۇمىستارى تۋرالى اقپارات بەردى. بۇل تۋرالى قازاقستان حالقى اسسامبلەياسى ماڭعىستاۋ وبلىستىق فيليالى ءباسپاسوز قىزمەتى حابارالدى.
-بۇگىندە قازاقستان بىرلىك پەن قوعامدىق كەلىسىمنىڭ التىن بەسىگىنە اينالدى. ەلىمىزدەگى تاتۋلىق پەن ىنتىماقتىڭ بىرەگەي ۇلگىسىن جاھان جۇرتشىلىعى زەردەلەپ, قازاق ەلى مەملەكەتىنىڭ بەدەلى جىلدان جىلعا ارتىپ كەلەدى , دەدى دەپۋتات ا.مۋرادوۆ.
سونىمەن قاتار پارلامەنت ءماجىلىسىنىڭ دەپۋتاتى «پەداگوگ مارتەبەسى تۋرالى» قابىلدانعان زاڭ جوباسىنىڭ جاڭاشىلدىقتارىنا توقتالدى. زاڭ جوباسىن ازىرلەۋدىڭ نەگىزگى يدەياسى — مۇعالىمدەردىڭ جۇكتەمەسىن ازايتۋ, ولاردىڭ مىندەتىنە جاتپايتىن جۇمىستاردى ورىنداۋدان بوساتۋ, سونىمەن قاتار مۇعالىمدەردىڭ جالاقىسىن ارتتىرۋعا, ەڭبەك دەمالىسىن ۇلعايتۋعا, پەداگوگتىك شەبەرلىك, تالىمگەرلىك ءۇشىن قوسىمشا اقى تولەۋگە باعىتتالعان شارالار قاراستىرىلعانىن اتاپ ءوتتى.
ءماجىلىس دەپۋتاتى ۆولونتەرلەر جىلىنا دا توقتالدى.
-مەملەكەت باسشىسىنىڭ جارلىعىمەن 2020 جىل «ۆولونتەرلەر جىلى» دەپ جاريالاندى. وسىعان وراي قازاقستان حالقى اسسامبلەياسى 4 باعىت بويىنشا تۇجىرىمداما ازىرلەدى. قازاقستاننىڭ بارلىق وڭىرلەرى سول تۇجىرىمداماعا سۇيەنە وتىرىپ, اۋقىمدى ءىس-شارالاردى وتكىزۋگە ات سالىساتىن بولادى, دەدى دەپۋتات.