شايبالى حوككەي: «بارىس» «نەفتەحيميكتى» ويسىراتا ۇتتى

ءبىرىنشى كەزەڭدە ەسەپ اشىلماعانىمەن, قىزىقتىڭ ءبارى سودان كەيىن باستالدى. اينالدىرعان 10 مينۋت ارالىعىندا «نەفتەحيم ارەناعا» جينالعان كورەرمەندەر توردا تۋلاعان ءتورت بىردەي شايبانىڭ كۋاسى بولدى. اتاپ ايتساق, 31-مينۋتتا داررەن ديتس قوناقتاردى العا شىعارسا, 35-مينۋتتا ارسەن حيسامۋتدينوۆ تارازى باسىن تەڭەستىردى.

بۇل جاعداي «بارىستىڭ» حوككەيشىلەرىن قاناعاتتاندىرمادى. كەرىسىنشە, نامىسىن قامشىلاي ءتۇستى. 35 جانە 37-مينۋتتاردا اركادي شەستاكوۆ پەن اتتە وحتاماا قاتارىنان ەكى گول سوقتى.

ءۇشىنشى كەزەڭ دە قازاقستاندىق كوماندانىڭ باسىمدىعىمەن ءوتتى. 42-مينۋتتا كوربان نايت ءبۋليتتى ءساتتى ورىنداسا, 51-مينۋتتا نيكيتا ميحايليس ماتچتىڭ سوڭعى نۇكتەسىن قويدى. ەسەپ – 1:5. 

بۇل كۇنگە دەيىن 45 ويىن وتكىزىپ, 59 ۇپاي جيعان «بارىس» تۇراقتى بىرىنشىلىكتىڭ جارىس كەستەسىندە جەتىنشى ورىندى يەلەنۋدە. ال شىعىس كونفەرەنتسياسىندا ولار ءۇشىنشى ساتىعا جايعاستى.