بىلتىر سولتۇستىك قازاقستاندا بارلىعى 6381 قىلمىس تىركەلىپتى, بۇل 2018 جىلمەن سالىستىرعاندا جەتى پايىزعا تومەن. سونىڭ ىشىندە كىسى ءولتىرۋ, دەنەگە اۋىر جاراقات سالۋ, توناۋ سياقتى اۋىر قىلمىستار ازايعان. بۇل تۋرالى سقو پوليتسيا دەپارتامەنتىنىڭ بىلتىرعى جۇمىسىن قورىتىندىلاعان كەڭەستە دەپارتامەنت باستىعىنىڭ بىرىنشى ورىنباسارى پوليتسيا پولكوۆنيگى دۋمان تاەۆ اتاپ ءوتتتى.
وسى فاكتىلەردى اتاي كەلىپ ول وتباسىلىق-تۇرمىستىق قىلمىستىڭ الدىن الۋعا ايرىقشا نازار اۋداردى. بىلتىر وسى باعىتتاعى قىلمىسى ءۇشىن 1921 ادام اكىمشىلىك جاۋاپكەرشىلىككە تارتىلعان. سونىڭ ىشىندە 442ادام قامالعان. قىلمىستىق جازاسىن وتەۋ ورىندارىنان شارتتى مەرزىممەن بوساتىلعاندار اراسىنان قىلمىس جاساۋشىلار دا ازايماي وتىرعان كورىنەدى. سونىڭ ىشىندە 41 ادام جازاسىن وتەۋ ورىندارىنا قايتارىلعان.
جەدەل قىزمەتتەر سالاسى بويىنشا بايانداعان پولكوۆنيك رۋسلان نازاروۆ الاياقتىق قىلمىستىق ارتا تۇسكەنىن تىلگە تيەك ەتتى. سونىڭ جارتىسى, اتاپ ايتقاندا 230-ى ينتەرنەت ارقىلى جاسالعان الاياقتىق بولىپ وتىر. جاپا شەگۋشىلەردىڭ نەگىزگى بولىگى 18 بەن 35 جاستار اراسىنداعى جاستار. ولار ونلاين-كرەديتتەر نەمەسە بۇكىلالەمدىك شىرماۋىق ارقىلى ساتىپ الۋلار جاساۋ كەزىندە جاپا شەككەن. بىلتىر بارلىعى 74 ميكروكرەديت رەسىمدەگەن وبلىس تۇرعىندارى الدانىپ قالعان.
سىبايلاس جەمقورلىق بويىنشا قىلمىس تۇرلەرى ازايا تۇسكەندىگى بەلگىلى بولدى. بۇل ىستە الدىن الۋ شارالارى ءوزىنىڭ جەمىسىن بەردى دەدى وسى سالانىڭ باسشىسى پودپولكوۆنيك ارمان ءاتانوۆوزىنىڭ سوزىندە.
كەڭەس بارىسىندا ەسىرتكى مەن ەسىرتكىگە قارسى كۇرەستە بەلسەندىلىك كورسەتكەن ۇزدىك ارداگەرلىك ۇيىمدار ماراپاتتالدى.