سەمسەرلەسۋدەن قازاقستان قۇراماسى جاڭا ماۋسىمداعى جارىستاردى باستايدى. قاڭتار ايىندا وتاندىق سپورتشىلار بىرنەشە ءىرى بايراقتى باسەكەگە قاتىسادى, دەپ حابارلادى ۇوك ءباسپاسوز قىزمەتى.
8-13 قاڭتار ارالىعىندا كانادانىڭ مونرەال قالاسىندا قىلىشتاسۋدان ەرلەر مەن ايەلدەر اراسىنداعى گران-پري ءتۋرنيرى وتەدى. اتالعان سىنعا قازاقستان اتىنان ايگەرىم سارىباي مەن يليا موكرەتسوۆ قاتىسادى. 9-13 قاڭتار كۇندەرى كۋبانىڭ گاۆانا قالاسىندا سەمسەرلەسۋدەن ايەلدەر اراسىنداعى الەم كۋبوگى كەزەڭىنىڭ جەڭىمپازدارى انىقتالادى. اتالعان سىندا ۋليانا بالاگانسكايا سىنعا تۇسەدى. سونداي-اق 9-13 قاڭتار ارالىعىندا گەرمانيانىڭ حايدەنحايم قالاسىندا سەمسەرلەسۋدەن ەرلەر اراسىنداعى الەم كۋبوگى وتەدى. گەرمانياداعى باسەكەگە دميتري الەكسانين, رۋسلان كۋربانوۆ, ەلمير ءالىمجانوۆ, ۆاديم شارلايموۆ, دميتري ادايكين جانە سەرتاي ەرلىك قاتىسادى.