قاراعاندىنىڭ «شاحتەر» فۋتبول كلۋبىنىڭ جاڭا باس جاتتىقتىرۋشىسى بولىپ ۋكراينالىق مامان ۆياچەسلاۆ گروزنىي تاعايىندالدى, دەپ حابارلادى اتالعان كوماندانىڭ ءباسپاسوز قىزمەتى.
الپىس ءۇش جاستاعى باپكەرمەن كەلىسىم-شارت ءبىر جىل مەرزىمگە جاسالدى.
ۆياچەسلاۆ گروزنىيدىڭ سوڭعى جۇمىس ورنى ۋكراينالىق «ارسەنال-كيەۆ» كلۋبى بولدى. جاڭا باپكەردىڭ ۋكراينا, رەسەي, بولگاريانىڭ كلۋبتارىنا ءار جىلدارى جەتەكشىلىك ەتكەن ۇلكەن جۇمىس تاجىريبەسى بار. قازاقستاندا ول قوستانايدىڭ «توبىل» جانە پاۆلوداردىڭ «ەرتىس» كوماندالارىن جاتتىقتىرعان.
سونىمەن قاتار ول «لەۆسكي» (بولگاريا), «تەرەك» (رەسەي), «دينامو» (گرۋزيا) جانە ۋكراينانىڭ «ارسەنال» (كيەۆ), «مەتاللۋرگ» (زاپوروجە) جانە «گۆەرلا» كلۋبتارىنىڭ باپكەرى بولدى.