2020 جىلى 1 قاڭتار كۇنى ماڭعىستاۋ وبلىسىنىڭ شۇعىل جانە جەدەل مەديتسينالىق جاردەم ستانتسياسىنا (103 قىزمەتى) شاقىرتۋ تۇسكەن. بەلگىلى بولعانداي, سپيرتتىك ىشىمدىك ىشكەن 30 جاستاعى قالا تۇرعىنى كاسپي تەڭىزىنە سەكىرگەن. ناتيجەسىندە ءوزىن ءجايسىز سەزىنىپ, سۋعا باتىپ كەتە جازداعان.بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسى ءباسپاسوز قىزمەتى حابارلادى.
وقيعا اقتاۋ قالاسى 4 ش/ا «تاستاقتى سوقپاق»(سكالنايا تروپا) اۋماعىندا ورىن العان. «جەدەل جاردەم» بريگاداسى وقيعا ورنىنا 4 مينۋتتا جەتكەن.
الدىن-الا «اسپيراتسيالىق سيندروم» دياگنوزى قويىلعان.
بريگادا قۇرامىندا بولعان دارىگەر ايگەريم سالي جانە فەلدشەر سامات تەمىرحانوۆتىڭ جەدەل ارەكەتەتۋىنىڭ جانە كاسىبيلىگىنىڭ ارقاسىندا تەڭىزگە باتۋعا سال قالعان ازامات امان قالدى. «جەدەل جاردەم» بريگاداسى كەلە سالىسىمەن الگوريتم بويىنشا 10 مينۋت ىشىندە جۇرەك-وكپە قىزمەتىنە رەانيماتسيا جاسادى. شۇعىل ءارى دۇرىس ۇيىمداستىرۋدىڭ ناتيجەسىندە ونىڭ بەتى بەرى قارادى, سودان سوڭ ولوبلىستىق اۋرۋحاناعا جەتكىزىلدى. اۋرۋعا ينەمەن ءتامشىلاتىپ دارى ەنگىزىلدى, جالپى قان تالداۋى, بيوحيميا, قۇرساق قۋىسىنا ۋزي جاسالىندى. حيرۋرگ-تەراپەۆت جانە تراۆموتولوگ قاراپ, قاجەتتىدارى-دارمەگىن جازىپ بەرگەن. ءارى قاراي اۋرۋحانادا جاتىپ ەم الۋدان باس تارتىپ, ءوز ەركىمەن ۇيىنە قايتىپ كەتكەن. ايتا كەتۋ كەرەك, نە سەبەپتى جاسجىگىت سۋعا سەكىرگەنى ازىرگە بەلگىسىز جانە بۇل ماسەلەنىڭ مان-جايىن ەندىگى جەردە پوليتسيا ورگاندارى انىقتاماق.
ماڭعىستاۋ وبلىسى