جاپونيانىڭ ناگانو قالاسىندا كونكيمەن جۇگىرۋدەن الەم كۋبوگىنىڭ ءتورتىنشى كەزەڭى ءوتىپ جاتىر. كوماندالىق سپرينتتە قازاقستاندىقتار 9-ورىندى يەلەندى, دەپ حابارلادى ۇوك ءباسپاسوز قىزمەتى.
رومان كرەچ, ستانيسلاۆ پالكين, ارتۋر گاليەۆ جانە ارتەم كريكۋنوۆ تورتتىگى 14 كوماندا اراسىنان 9-ساتىعا تۇراقتادى. ءتورتىنشى كەزەڭدە رەسەي قۇراماسى توپ جارسا, جاپونيا مەن كانادا كۇمىس پەن قولانى ەنشىلەدى. ال الەم كۋبوگىنىڭ ءتورت كەزەڭى قورىتىندىسى بويىنشا, قازاقستان ءۇشىنشى ورىن يەلەندى. ءبىزدىڭ قۇراما ەنشىسىندە 290 ۇپاي بار.
وسىلايشا, دميتري بابەنكو باپتايتىن قازاقستان قۇراماسى جەكەلەگەن قاشىقتىقتار بويىنشا الەم چەمپيوناتىنا جولداما الدى. جالپى كوماندالىق ەسەپتە نيدەرلاند قۇراماسى 440 ۇپايمەن كوش باستادى. ەكىنشى ورىندا 316 ۇپايى بار شۆەيتساريا قۇراماسى تۇر.