ش.ەسەنوۆ اتىنداعى كمتيۋ مەن سىبايلاس جەمقورلىققا قارسى ءىس-قيمىل اگەنتتىگىنىڭ مو بويىنشا دەپارتامەنتى اراسىنداعى ءوزارا ىنتىماقتاستىق تۋرالى مەموراندۋم اياسىندا, ۋنيۆەرسيتەتتىڭ «بيزنەس جانە قۇقىق» فاكۋلتەتى, «قۇقىقتانۋ» كافەدراسىنىڭ اعا وقىتۋشىسى گ.ق.ىزتۇرعانوۆانىڭ ۇيىمداستىرۋىمەن «زاڭگەر» ماماندىعى بويىنشا 2-كۋرس ءبىلىم الۋشىلارىنا «سىبايلاس جەمقورلىقتىڭ الدىن الۋ» تاقىرىبىندا سەمينار-ترەنينگ ءوتتى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ ءباسپاسوز قىزمەتى حابارلادى.
حالىقارالىق سىبايلاس جەمقورلىققا قارسى كۇرەس كۇنىنە وراي وتكىزىلگەن بۇل سەمينار-ترەنينگتە ستۋدەنتتەر توپتىق جۇمىس جاسادى.
وسى شاراعا قاتىسقان دەپارتامەنتتىڭ الدىن الۋ جانە پاراساتتىلىق باسقارماسىنىڭ باس مامانى ح.و.كۋسپانوۆا قاتىسۋشىلارعا سىبايلاس جەمقورلىققا قارسى مادەنيەتتى قالىپتاستىرۋ ماڭىزىن ءتۇسىندىردى.
قاتىسۋشىلار جەمقورلىق سالدارىمەن كۇرەسۋ جولدارى مەن قوعامدى وسى ىستە قاتىستىرۋ ماڭىزدىعى تۋرالى وي-پىكىرلەرىمەن ءبولىستى. ءوزارا تالقىلانعان تاقىرىپ بويىنشا شەشىمدەرىن زاڭ تۇرعىسىندا قاراستىرۋ, ماسەلەنىڭ شەشىمى تۋرالى ءوز ويلارىن ورتاعا سالدى.
شارا بارىسىندا توپ ستۋدەنتتەرى 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن تالقىلاپ, TRANSPARENCY INTERNATIONAL حالىقارالىق رەيتينگىندەگى قازاقستاننىڭ پوزيتسياسى بويىنشا سىبايلاس جەمقورلىق فاكتىلەرى بويىنشا قىلمىستىق ىستەردىڭ 2017-2019 جىلدار ارالىعىنداعى سالىستىرمالى ستاتيستيكالىق مالىمەتتەرىمەن تانىسىپ, حانشايىم ورالبايقىزىنان سىبايلاس جەمقورلىققا قاتىستى سۇراقتارىنا جاۋاپتارىن الدى.
ماڭعىستاۋ وبلىسى