اقپارات جانە قوعامدىق دامۋ ءمينيسترى داۋرەن اباەۆ تاۋەلسىزدىك كۇنى قارساڭىندا بۇقارالىق اقپارات قۇرالدارى وكىلدەرىنە مەملەكەتتىك ناگرادالاردى سالتاناتتى جاعدايدا تاپسىردى. ەڭبەگى ەلەنگەن ازاماتتاردىڭ اراسىندا بيىل عاسىرلىق مەرەيتويىن اتاپ ءوتىپ جاتقان باس باسىلىم – «ەگەمەن قازاقستان» گازەتىنىڭ قىزمەتكەرلەرى دە بار.
اقپارات جانە قوعامدىق دامۋ ءمينيسترى داۋرەن اباەۆ ءسوز سويلەپ, قالامگەرلەردى ۇلىق مەرەكە – تاۋەلسىزدىك كۇنىمەن جانە العان ماراپاتتارىمەن قۇتتىقتادى.
مەملەكەتتىك جانە قوعامدىق قىزمەتتەگى سىڭىرگەن ەڭبەگى, ەلدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن «ەگەمەن قازاقستان» گازەتى باس رەداكتورىنىڭ ورىنباسارى عابيت مۇسىرەپ «قۇرمەت» وردەنىنە لايىق دەپ تانىلدى.
سونىمەن قاتار «ەگەمەن قازاقستان» گازەتى باس رەداكتورىنىڭ ورىنباسارى دۋمان اناش «ەرەن ەڭبەگى ءۇشىن» مەدالىن كەۋدەسىنە تاعىپ, اتالعان باسىلىمنىڭ جاۋاپتى حاتشىسى سامات مۇسا «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىمەن ماراپاتتالدى.