«Kazakhstan Growth Forum» ديرەكتورى ەلدار ابدرازاقوۆ كونفەرەنتسيانىڭ ۋربانيزاتسياعا ارنالعانىن ايتتى. ۋربانيزاتسيا – ەل ەكونوميكاسى دامۋىنىڭ درايۆەرى بولا وتىرىپ, ەكىنشى جاعىنان كوپتەگەن ماسەلەلەردىڭ قاينار كوزى بولۋى دا مۇمكىن. ەكونوميكانىڭ دامۋى ۋربانيزاتسياعا, تسيفرلاندىرۋعا جانە جالپى قولدانىستاعى ەكونوميكا سەكىلدى ءۇش ترەندكە بايلانىستى.
سپيكەرلەردىڭ ايتۋىنشا, الماتىنىڭ وزىندىك باستى ماسەلەلەرى بار. ولار ەكولوگيا, ترانسپورت جانە قاۋىپسىزدىك. العا قويىلعان مىندەت – ساراپشىلاردى, قوعام قايراتكەرلەرى مەن بەلسەندىلەرىن وسىعان جۇمىلدىرۋ.
«Urban Conference-تە ورتاعا سالىپ, شەشىمىن بىرگە تابۋعا شاقىرعىمىز كەلەتىن تاعى دا بىرقاتار ماسەلەلەر بار», – دەدى ەلدار ابدرازاقوۆ.
Kazakhstan Urban Conference ۇيىمداستىرۋ كوميتەتىنىڭ مۇشەسى ارتاشەس گريگوريان فورۋمنىڭ كۇن تارتىبىنە توقتالىپ, وندا جينالعان قاۋىم ۇلكەن الماتى 5 ميلليون تۇرعىنى بار مەتروايماق بولۋعا دايىن با دەگەن ماسەلەنى تالقىلايتىنىن ايتتى. سونداي-اق ماراپاتتاۋعا لايىق 3 ۇزدىك الەۋمەتتىك جوبانىڭ ىرىكتەلىپ الىناتىنىن مالىمدەدى.
«شارانىڭ ەڭ ماڭىزدى تۇسى – باقىتجان ساعىنتاەۆتىڭ بايانداماسى بولماق, سەبەبى الماتى اكىمى ءوز بايانداماسىندا «الماتى-2050» دامۋ ستراتەگياسىنىڭ سوڭعى نۇسقاسىن ۇسىنادى»,– دەدى Kazakhstan Urban Conference ۇيىمداستىرۋ كوميتەتىنىڭ مۇشەسى ارتاشەس گريگوريان.
الماتى