2020 وقۋ جىلىنىڭ باستالۋى قارسانىندا اتىراۋ, اقتاۋ جانە اقتوبە گارنيزوندارىنداعى اسكەري بولىمدەر جاۋىنگەرلىك ازىرلىكتىڭ جوعارى دەڭگەيىنە كەلتىرىلىپ, تاكتيكالىق-ساپتىق جاتتىعۋلارىن باستاپ كەتتى. بۇل تۋرالى اتالمىش قولباسشىلىقتىڭ ءباسپاسوز قىزمەتى حابارلادى.
اسكەرلەردىڭ جاۋىنگەرلىك دايارلىعى بويىنشا كەشەندى تاكتيكالىق-ساپتىق ساباقتارى بارىسىندا وڭىرلىك قولباسشىلىقتىڭ بارلىق اسكەري بولىمدەرى دابىل بويىنشا كوتەرىلدى. تاكتيكالىق-ساپتىق ساباقتار اياسىندا بولىمشەلەردىڭ روتا تىزبەكتەرىنىڭ ايماقتارىنا شىعۋى ىسكە اسىرىلدى, جىلجىمالى باسقارۋ پۋنكتەرى ورىستەتىلدى, ايماقتىق قورعانىسپەن ءوزارا ءىس-قيمىل ۇيىمداستىرىلدى, ستاتسيونارلىق جانە جىلجىمالى باسقارۋ پۋنكتەرىن ورنالاستىرۋ جۇرگىزىلدى, سونداي-اق, راديو جاتتىعۋلاردىڭ ءىس-قيمىلى پىسىقتالدى.
-«باتىس» وڭىرلىك قولباسشىلىعىنىڭ اسكەري بولىمدەرى جاڭا وقۋ جىلىنا مۇقيات دايىندالدى. جاڭا وقۋ جىلىندا قورعانىس ءمينيسترىنىڭ, قۇرلىق اسكەرلەرىنىڭ باس قولباسشىسىنىڭ قويعان ناقتى مىندەتتەرى بار. نەگىزگى باعىت – ءىرى اۋقىمدى وقۋ-جاتتىعۋلار مەن حالىقارالىق اسكەري ويىندارعا دايىندىق, دەدى «باتىس» وڭىرلىك قولباسشىلىعى اسكەرلەرىنىڭ قولباسشىسى پولكوۆنيك نۇرلان الدياروۆ.
اسكەري دايىندىق اپتاسى اياقتالعاننان كەيىن اسكەري قىزمەتشىلەر ماماندىق بويىنشا دايارلىققا كىرىسەدى.
ماڭعىستاۋ وبلىسى