وڭىردەگى اۋىلدىق اۋماقتاردا ورتالىقتاندىرىلعان سۋ جەلىلەرى تارتىلىپ, كەشەندى بلوك-مودۋلدەر ورناتىلۋدا.
بيىل ۇكىمەتتىڭ قولداۋىمەن 495 شاقىرىم سۋ قۇبىرى سالىنىپ, اۋىلدار تازا اۋىز سۋدى پايدالانۋدا.
ال, اقتوعاي اۋدانىنا قاراستى قوجالىجار, اۋەلبەك اۋىلدارىنداعى ورتالىقتاندىرىلعان سۋ قۇبىرىنىڭ قۇرىلىسى وسى جىلدىڭ ءساۋىر ايىندا باستالدى.
قۇرىلىستى جۇرگىزگەن «اي-سۋ مەليوراتسيا» جشس جۇمىستى مەرزىمىنەن بۇرىن اياقتاپ, اۋىلداعى ۇيلەر سۋ قۇبىرىنا قوسىلۋدا.
اۋداندىق اكىمدىكتىڭ مالىمەتىنشە, قوجالىجار اۋىلىندا 22,5 شاقىرىمدىق سۋ قۇبىرىن تارتىپ, سورعىلاردى سالۋعا مەملەكەتتىك قازىنادان 618,156 ميلليون تەڭگە, اۋەلبەك اۋىلىندا ۇزىندىعى 19 شاقىرىم بولاتىن قۇبىر قۇرىلىسىنا 515,7 ميلليون تەڭگە بولىنگەن.
- اۋىلعا سۋ كەلدى. ەندى شەلەكتەپ سۋ تاسۋدىڭ قاجەتى جوق. سۋىق سۋ دا, ىستىق سۋ دا ۇيدە, - دەيدى قۋانىشتى تۇرعىندار.
اۋدانداعى قوجالىجار اۋىلىندا 232, اۋەلبەكتە 218 ءۇي بار. ولاردىڭ بارلىعى تازا اۋىزسۋ جۇيەسىنە قوسىلۋدا.
پاۆلودار وبلىسى
اقتوعاي اۋدانى