كەنشىلەر استاناسى كوكتايعاقپەن كۇرەستى كەشەندى تۇردە باستاپ كەتتى. «مادەنيەت, دەمالىس ساياباقتارى جانە گۇلزارلار باسقارماسى» مەكەمەسىنىڭ باس ينجەنەرى تالعات سمايىلوۆ مالىمدەگەندەي, وسى ماقساتقا دەپ قازىرگى ۋاقىتتا 500 توننا قۇم-تۇز قوسپاسى دايىندالعان.
جالپى, اتالعان كاسىپورىن وبلىس ورتالىعىنداعى 90-نان استام نىساننىڭ اۋماعىن قار مەن مۇزدان تازالاۋعا جاۋاپتى. باسقارما شتاتىندا بارلىعى 180 جۇمىسشى جانە 50 مەحانيزاتور بار. بارلىق اۋماق سەگىز ۋچاسكەگە بولىنگەن, ولاردىڭ ارقايسىسىنا جەكە بريگادا بەكىتىلگەن.
باس ينجەنەر تالعات سمايىلوۆتىڭ ايتۋىنشا, قار تازالاۋ تەحنولوگياسىنىڭ ءوزى بىلاي قاراعاندا وپ-وڭاي بولىپ كورىنگەنىمەن, وزىندىك قيىندىقتارى مەن جاۋاپكەرشىلىگى بار شارۋا ەكەن.
– قار تازالاۋ تەحنولوگياسى بىرنەشە كەزەڭنەن تۇرادى. الدىمەن ول جيەكتاستارعا سىپىرىلادى, سودان كەيىن جينالادى جانە پوليگوندارعا تاسىمالدانادى. كوكتايعاق كەزىندە قۇم-تۇز قوسپاسى دا قولدانىلادى. جۇمىسشىلار قار ءۇيىندىسىن قولمەن سىندىرادى, ەسكەرتكىشتەردەن, باسپالداقتاردان جانە ورىندىقتاردان قاردى تازالايدى, كەزدەيسوق قوقىستاردى جينايدى, قاردى تيەۋ كەزىندە كومەك كورسەتەدى. قالعان جۇمىستاردى سوقا-سىپىرتقى جابدىعى بار تراكتورلار, وزدىگىنەن جۇك اۋداراتىن كولىكتەر, ءفرونتالدى جۇك تيەگىشتەر – بارلىعى 40 بىرلىك ارنايى تەحنيكا تۇرلەرى اتقارادى, – دەيدى ول.
كاسىپورىننىڭ جۇمىسشىلارى جاي كۇندەرى تاڭعى ساعات 8:00-دەن كەشكى 16:00-گە دەيىن ەڭبەك ەتەدى. ال قار قالىڭ جاۋعان كۇندەرى ولار تاڭعى تورتتەن ءتۇننىڭ ءبىر ۋاعىنا دەيىن ەكى اۋىسىممەن جۇمىس ىستەيدى.
قاراعاندى وبلىسى