كاسىپقوي بوكستاعى جارتىلاي ورتا سالماقتا جۇدىرىقتاساتىن قازاقستاندىق بوكسشى دانيار ەلەۋسىنوۆتىڭ (8-0, 4 كو) كەزەكتى قارسىلاسى بەلگىلى بولدى.
وتانداسىمىزدىڭ بۇل جولعى قارسىلاسى امەريكالىق – الان سانچەس. قوس بوكسشى اراسىنداعى جەكپە-جەك 10 راۋندقا جوسپارلانعان. كەزدەسۋ 20 جەلتوقساندا وتەدى. 28 جاستاعى سانچەس كاسىپقوي بوكستاعى جولىن 2009 جىلى باستاعان. بۇگىنگە دەيىن 25 كەزدەسۋ وتكىزىپ, 20 ايقاسىندا قارسىلاسىنان باسىم تۇسكەن. 10 جەكپە-جەگىن مەرزىمىنەن بۇرىن اياقتاعان. ال 4 رەت جەڭىلىپ, 1 رەت تۇسكەن.
دانيار ەلەۋسىنوۆ سوڭعى جەكپە-جەگىن امەريكالىق بوكسشى رەشارد حيكسپەن وتكىزىپ, ءبىرىنشى راۋندتا نوكاۋتپەن جەڭگەن بولاتىن.