اقتاۋداعى ءىت ليتسەي وقۋشىلارى «بەرەكەت ف»جشس-ءنىڭ ءسۇت زاۋىتىنا باردى. كۇندەلىكتى داستارحاندا تۇراتىن «اق نەك» ماركالى ءسۇت تاعامدارىنىڭ قانداي ادىسپەن دايىندالىپ, ۇلكەن ەڭبەكپەن كەلەتىنى جەتە ءتۇسىندىرىلدى. كوشپەلى ءدارىس بارىسىندا وقۋشىلاردىڭ بيزنەسكە قىزىعۋشىلىعى جوعارى ەكەنى بايقالدى.
7-سىنىپ وقۋشىسى دارحان ءامىرحانوۆ: «بىزگە زاۋىتقا جاسالعان ەكسكۋرسيا وتە قاتتى ۇنادى. مۇنداي كاسىپورىنعا العاش رەت كەلىپ تۇرمىن. ءسۇت ونىمدەرىنىڭ قالاي جاسالاتىنى, ولاردىڭ ىدىستارعا قۇيىلىپ, قاقپاعى جابىلعانىنا دەيىن تۇگەل ساتىنى كوزبەن كوردىك. وسىنداعى قىزمەتكەرلەردىڭ ەڭبەگى زور ەكەن»,- دەپ تاڭدانىسىن جاسىرمادى. ال, تاعى ءبىر وقۋشى اقتوتى سەرىك بولسا, ونىمدەر قۇيىلاتىن ىدىستاردىڭ جاسالۋ جولدارىن كورىپ, سۇيسىنگەن. شىناشاقتاي عانا پلاسماسستان ايران قۇياتىن ۇلكەن بوتەلكەنى ىستىق اۋامەن ۇرلەپ شىعارۋعا بولاتىنىن, سىرتقى قاعازدارى جابىستىرىلىپ, تۇپتەلگەنىنە قىزىعا قاراعانىن جاسىرمادى.
-ستۋدەنتتەر مەن وقۋشىلاردى ءتۇرلى كاسىپورىندارعا اپارىپ, ەكسكۋرسيا جاساتۋ ەڭ ۇتىمدى ءادىس. اقتاۋدا «كاسىپكەرلىك نەگىزدەرى» پانىنالعاش رەت پيلوتتىق جوبادا وقىعان ءىت ليتسەي تاجىريبەسى رەسپۋبليكا بويىنشا بارلىق مەكتەپتەرگە ەنگىزىلگەن بولاتىن. سونداي الدىڭعى قاتارلى مەكتەپ وقۋشىلارىندا ىسكەرلىك ىرگەتاسى قالاندى دەپ سانايمىز. ەكىنشى جاعىنان كاسىپكەرلىك ادىستەرىن ءتۇسىندى. بۇل ساباقتا وتىرىپ تەوريالىق تۇرعىدا تانىسقاننان گورى تاجىريبە جۇزىندە كورۋ ءتيىمدى ەكەنىن اڭعارتادى, دەيدى وڭىرلىك كاسىپكەرلەر پالاتاسىنىڭ ادامي كاپيتالدى دامىتۋ ءبولىمىنىڭ قىزمەتكەرى رۋسلان بيسەكەنوۆ.
كاسىپورىندا وقۋشىلارعا زاۋىتتىڭ بارلىق ونىمدەرىنىڭ دايىندالۋ جولدارى كورسەتىلدى. قازىر مۇندا 15 ءتۇرلى ءسۇت ءونىمى شىعارىلادى. اپتاسىنا 10 ت ءونىم ءتۇرلى ساۋدا ورتالىقتارى مەن مەكەمەلەرگە تاسىمالدانىپ وتىر.
«اق نەك» ءسۇت زاۋىتى ديرەكتورىنىڭ ورىنباسارى مادينا ابدۋگاليەۆانىڭ ايتۋىنشا, 2006 جىلى ىسكە قوسىلعان ءسۇت زاۋىتىنىڭ ونىمدەرى ساپاسى جوعارى بەلارۋس شيكىزاتتارىنان دايىندالادى. قازاقستان بويىنشا ەشبىر كاسىپورىن قولدانىپ كورمەگەن بىرەگەي تابيعي اشىتقىنى تۇتىنۋى- نەگىزگى ەرەكشەلىك.