12-14 جەلتوقسان ارالىعىندا قىتايدىڭ تسينداو قالاسىندا دزيۋدودان جىلدىڭ قورىتىندى جارىسى – «ماستەرس» ءتۋرنيرىنىڭ جالاۋى جەلبىرەيدى.
بۇل بەدەلى وتە زور باسەكە. ولاي دەۋگە نەگىز, ءداپ قازىرگى كەزدە دۇنيەجۇزىلىك رەيتينگتە ءار سالماق دارەجەسى بويىنشا العاشقى 16 ورىندى يەلەنىپ وتىرعان بالۋان عانا ايتۋلى دوداعا قاتىسا الادى. ولاردان بولەك, جارىس قوجايىندارى رەتىندە قىتاي تولىق قۇرامدا ونەر كورسەتەدى. جانە دە وليمپيا ويىندارىنىڭ جولداماسىنا يەلىك ەتۋ ءۇشىن تاراتىلاتىن ۇپاي قورى دا مول. ماسەلەن, باس جۇلدەنى ولجالاعان بالۋانعا 1800 ۇپاي بەرىلسە, كۇمىس جانە قولا جۇلدەگەرلەر 1260 جانە 900 ۇپايدان ولجالايدى. سوندىقتان دا «ماستەرسكە» قاتىسقان ءار دزيۋدوشى بارىنشا تابىستى ونەر كورسەتۋ ءۇشىن بارىن سالاتىنى انىق.
قازىرگى كەزدە ءبىزدىڭ بالۋاندار الماتى قالاسىنىڭ ىرگەسىندەگى بايتەرەك اۋىلى ماڭىندا ورنالاسقان وليمپيادالىق بازادا دايارلانۋدا. جىگىتتەردىڭ كوڭىل-كۇيلەرى جاقسى. بارلىعى دا «ماستەرس» ءتۋرنيرىن ماڭىزدىلىعىن جاقسى تۇسىنەدى. سول سەبەپتى دە جەرلەستەرىمىز تاتاميدە ەش ايانىپ قالمايدى, دەيدى قازاقستان ۇلتتىق قۇراماسىنىڭ باس باپكەرى ايدىن سماعۇلوۆ.