«كوكنار-2019» رەسپۋبليكالىق وپەراتسياسى اياسىندا جۇزەگە اسىرىلعان جەدەل-ىزدەستىرۋ شارالارى اياقتالۋدا. ەلىمىزدىڭ كوپتەگەن اۋماعىندا شۋ القابىنان ماريحۋانا تاسىمالداعان ازاماتتار ۇستالدى.
ماڭعىستاۋ وبلىسىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ماريحۋانانى ساقتاۋ ءۇشىن يندۋستريالىق ايماقتا بوكستى جالعا العان تاراز قالاسىنىڭ تۇرعىنىن ۇستادى.
ءتىنتۋ جۇرگىزۋ كەزىندە, جالپى سالماعى 71 كيلو ماريحۋانا سالىنعان 200 ليترلىك مەتالل بوشكە تاركىلەندى.
ۇستالعان ادام پوليتسيانىڭ نازارىن اۋدارماۋ ءۇشىن ماريحۋانانى شۋ قالاسىنان اۋىلدىق جولدارىمەن الىپ شىققانىن مويىندادى.
سول يندۋستريالىق ايماقتا ىزدەۋ شارالارىن جۇرگىزۋ كەزىندە تاعى ءبىر جەرگىلىكتى تۇرعىن انىقتالدى, سالماعى 1 كيلودان اساتىن ماريحۋانا جالدامالى بوكستان تابىلدى.
ۇستالعاندار كىنالارىن مويىندادى جانە ۋاقىتشا ۇستاۋ يزولياتورىنا قامالدى. ۇستالعان ەكى ادامنىڭ اراسىنداعى بايلانىستى ورناتۋ ءۇشىن قىلمىستىق ءىس بويىنشا تەرگەۋ شارالارى جۇرگىزىلۋدە.