ىشكى ىستەر مينيسترلىگىنىڭ توتەنشە جاعدايلار كوميتەتىندە «ەلىمىزدەگى جەدەل احۋال تۋرالى» بريفينگ ءوتتى. وندا توتەنشە جاعدايلار كوميتەتىنىڭ توراعاسى ۆ.بەككەر ەلىمىزدەگى ورىن العان توتەنشە جاعداي جونىندە ايتىپ بەردى.
ونىڭ مالىمدەمەسىنە قاراعاندا, جىلىتۋ ماۋسىمىنىڭ باسىنان, ياعني 2019 جىلعى 1 قىركۇيەكتەن باستاپ تۇرعىن ءۇي سەكتورىندا 1612 ءورت بولىپ, سونىڭ سالدارىنان 42 ادام كوز جۇمعان. ال 6 ادام گازدان ۋلانىپ قايتىس بولعان. جالپى 2019-2020 جىلدارى جىلىتۋ كەزەڭى باستالعاننان بەرى ءورت سالدارىنان 49 ادام جاراقات السا, ءورت شىقپاي گازدان ۋلانىپ 45 ادام جاراقاتتانعان.
اتقارىلىپ جاتقان جۇمىستار تۋرالى ۆ.بەككەر: «الدىن الا, 2019-2020 جىلدارداعى جىلىتۋ كەزەڭى قارساڭىندا تۇرعىن ءۇي سەكتورىندا پروفيلاكتيكالىق جۇمىستار جۇرگىزىلۋدە. حالىقتىڭ الەۋمەتتىك وسال توپتارىنىڭ (قارتتار, مۇگەدەكتەر), كوپ بالالى وتباسىلاردىڭ تۇرعىن ۇيلەرىندە ءورتتىڭ الدىن الۋ جۇمىستارىن جۇرگىزۋ جونىندەگى شارالار كەشەنىن ىسكە اسىرۋعا مۇددەلى قىزمەتتەر مەن ۇكىمەتتىك ەمەس سەكتور تارتىلدى.
ناتيجەسىندە, اۋماقتىق بولىمشەلەر جەرگىلىكتى اتقارۋشى ورگانداردىڭ اقپاراتى بويىنشا حالىقتىڭ الەۋمەتتىك وسال توپتارىنىڭ 169 010 تۇرعىن ءۇيىن ەسەپكە الدى. ونىڭ ىشىندە 7 قاراشاداعى جاعداي بويىنشا 163 622 ءۇي (91860 ۇيگە جاو وكىلدەرىمەن ارالاۋ جۇمىستارى جۇرگىزىلدى) پروفيلاكتيكالىق جۇمىسپەن قامتىلدى, ونىڭ بارىسىندا 409 مىڭ ازاماتقا نۇسقاۋ بەرىلدى. 132 527 ءورت قاۋىپسىزدىگى تالاپتارىنىڭ بۇزۋشىلىعى انىقتالدى, ونىڭ 23 478-ءى ورنىندا جويىلدى», دەدى.
زاڭ بۇزۋشىلىقتاردىڭ 90%-ى ەلەكتر تەحنيكالىق جەلىلەر مەن ەلەكتر جابدىقتارىن جانە اۆتونومدى جىلۋ جۇيەلەرىن پايدالانۋمەن بايلانىستى ەكەن. ال حالىقتىڭ الەۋمەتتىك وسال توپتارىنىڭ تۇرعىن ۇيلەرىن ارالاۋ بارىسىندا ولاردى 4 463 ءۇي يەلەرى كىرگىزبەگەن, 3 391 ۇيدە ادام بولماعان. حالىقتىڭ الەۋمەتتىك وسال توپتارىنىڭ تۇرعىن ۇيىنەن باسقا, وتكەن جىلىتۋ ماۋسىمدارىنىڭ تاجىريبەسى نەگىزىندە پروفيلاكتيكالىق جۇمىسپەن دەربەس جىلىتۋ جۇيەلەرىمەن بايلانىستى توتەنشە جاعدايلاردىڭ تۋىنداۋىنا نەعۇرلىم بەيىم تۇرعىن ۇيلەر قامتىلعان. ماسەلەن, 542 131 ءۇي (20 090-ى ۇيگە كىرگىزبەگەن, 22 824-ءى ۇيدە ادام بولماعان), ولاردىڭ بارىسىندا 1 ملن-نان استام ازاماتقا نۇسقاۋ بەرىلىپ, 244 576 بۇزۋشىلىق انىقتالىپ, ونىڭ 77 338-ءى ورنىندا جويىلعان.
اڭ اۋلاۋ جانە بالىق اۋلاۋ ماۋسىمىندا (2019 ج. 1 قىركۇيەكتەن 11 قاراشاعا دەيىنگى ارالىقتا) ەلىمىزدىڭ سۋ ايدىندارىندا (مۇزدا) بالىق اۋلاۋ كەزىندە قاۋىپسىزدىك ەرەجەلەرىن بۇزۋ سالدارىنان 23 ادام كوز جۇمدى. ادامداردىڭ قازا بولۋىنا جول بەرمەۋ جانە قىسقى كەزەڭدە سۋ ايدىندارىندا (مۇزدا) توتەنشە جاعدايلارعا ءتيىمدى ارەكەت ەتۋ ماقساتىندا پروفيلاكتيكالىق ءىس-شارالار كەشەنى وتكىزىلەدى. قازىرگى ۋاقىتتا تجد مۇز وتكەلدەرىن جانە جاياۋ وتكەلدەردى, مۇز استىنداعى بالىق اۋلاۋ ورىندارىن تۇگەندەۋ بويىنشا جۇمىستار جۇرگىزۋدە. جەرگىلىكتى اتقارۋشى ورگاندارمەن جانە مۇددەلى ۇيىمدارمەن بىرلەسىپ وتكەلدەر مەن اسۋلاردا قاۋىپسىزدىكتى قامتاماسىز ەتۋ جونىندە شارالار قابىلدانۋدا. 36 مۇزدى اۆتوموبيل وتكەلى, 109 جاياۋ جۇرگىنشى اسۋى جانە 968 مۇز استىنان بالىق اۋلاۋ ورنى انىقتالدى. 4681 ەسكەرتۋ بەلگىسى مەن كورنەكى ماڭدايشا ورناتىلدى. وتكەلدەر مەن مۇز وتكەلدەرىن ۇستاۋعا جاۋاپتى قىزمەتكەرلەرمەن نۇسقاۋلىق ۇيىمداستىرىلدى, دەپ اتاپ ءوتتى بايانداماشى.
«اۋا تەمپەراتۋراسىنىڭ تومەندەۋى, سونداي-اق جاۋىن-شاشىن كەزىندە جولدى مۇز جابا باستايدى. سونىڭ سالدارىنان جازعى شينالاردىڭ جولعا ءىلىنۋ كۇشى تومەندەيدى جانە بۇل جول-كولىك وقيعاسىنا سەبەپ بولۋى مۇمكىن. ءوز باسىن عانا ەمەس, سونداي-اق باسقالاردىڭ دا ءومىرىن قاۋىپكە تىگەدى. قىس مەزگىلىندە توتەنشە جاعدايلاردى بولدىرماۋ ءۇشىن ءىىم توتەنشە جاعدايلار كوميتەتى اۋا رايىنىڭ وزگەرۋىن, مەتەورولوگيالىق مالىمەتتەردى, اۋا رايىنىڭ ناشارلاۋى, جولداردىڭ جابىلۋى تۋرالى ارنايى حابارلامالاردى ۇنەمى قاداعالاپ وتىرۋعا كەڭەس بەرەدى. داۋىلدى الدىن الا ەسكەرتۋ حابارلاماسى بەرىلگەن كەزدە الىس ساپارلارعا شىقپاۋ قاجەت», دەدى ۆ.بەككەر.