قىتاي حالىق رەسپۋبليكاسىمەن كوپقىرلى ستراتەگيالىق سەرىكتەستىكتى دامىتۋ قازاقستان ءۇشىن اسا ماڭىزدى. مەملەكەتىمىز قىتايدىڭ ء«بىر بەلدەۋ, ءبىر جول» اتتى اۋقىمدى باستاماسىن قولدايدى جانە وسى جوباعا بەلسەندى تۇردە قاتىسۋدا دەدى قاسىم-جومارت توقاەۆ قازاقستاندا اككرەديتتەلگەن شەت ەلدەردىڭ ديپلوماتيالىق ميسسيالارىنىڭ باسشىلارىمەن كەزدەسۋىندە.
«قازاقستان ورتالىق ازيا ەلدەرىمەن ەكىجاقتى ىنتىماقتاستىقتى ودان ءارى دامىتا بەرەدى. مىسالى, جاقىن ارادا وزبەكستانمەن بىرقاتار ماڭىزدى جوبا ىسكە اسىرىلدى. كۇن تارتىبىندەگى باسقا دا ماسەلەلەر ۋاقتىلى شەشىلمەك. بارشامىز بۇل ءوڭىردىڭ تۇراقتى, ەكونوميكالىق تۇرعىدا ورنىقتى جانە قاۋىپسىز دامۋىنا مۇددەلىمىز» دەدى مەملەكەت باسشىسى.
سونىمەن قاتار پرەزيدەنت بىرەر كۇننەن كەيىن تاشكەنتتە ورتالىق ازيا ەلدەرى كونسۋلتاتيۆتىك جۇمىس كەزدەسۋىنىڭ وتىرىسى وتەتىنىن ايتتى.
«ەرتەڭ مەن قىرعىزستانعا مەملەكەتتىك ساپارمەن اتتانامىن. كەلىسسوزدەر بارىسىندا بىرقاتار ماڭىزدى ماسەلە تالقىلانادى» دەدى ول.