وڭىردە ەلىمىزدە جۇرگىزىلىپ جاتقان «قىس – 2020» رەسپۋبليكالىق كوماندالىق-شتابتىق وقۋ-جاتتىعۋلارى بارىسىندا توتەنشە جاعدايدى شۇعىل جويۋ جاساقتارىنىڭ دايىندىعى مەن قار جينايتىن تەحنيكالار تەكسەرىلدى.
وبلىستىق توتەنشە جاعدايلار دەپارتامەنتىنىڭ مالىمەتىنشە, الداعى قىس ايىنا ماماندار دا, قىزمەت كورسەتۋ بولىمدەردى دە دايىن.
وقۋ-جاتتىعۋلارعا دەپارتامەنتتەن 4 بىرلىك تەحنيكا, وبلىستىق دەنساۋلىق ساقتاۋ باسقارماسىنان 1 مەديتسينالىق جەدەل جاردەم بريگاداسى, اپاتتار مەديتسيناسى ورتالىعىنان 1 بىرلىك تەحنيكا, «جىلۋ جەلىلەرى» جشس-نەن 3 بىرلىك تەحنيكا, «ۆودوكانال» جشس سۋ قۇبىرى جانە كارىز جەلىلەرى بويىنشا اۆاريالىق-تەحنيكالىق كومانداسىنان 2 بىرلىك تەحنيكا قاتىستى.
جەرگىلىكتى ءىرى كاسىپورىندار مەن زاۋىتتار وكىلدەرى قاتىسقان دايىندىققا 48 تەحنيكا تارتىلدى. جەكە قۇرامنان 128 ادام قىزمەت كورسەتتى.
دەپارتامەنتتىڭ اۆاريالىق-قۇتقارۋ جاساعىنىڭ جەتەكشىسى ۆلاديمير ۆلاسوۆتىڭ ايتۋىنشا, وقۋ-جاتتىعۋ كەزىندە قىسقى مەرزىمدە قىزمەت اتقاراتىن تەحنيكالاردىڭ دايىندىعى تەكسەرىلدى.
جول مەن اۋا رايىن تالعامايتىن 3 «ترەكول» تەحنيكاسى قالىڭ قاردا جولدا قالعان جولاۋشىلاردى قۇتقارۋعا مۇمكىندىك بەرمەك.
بۇل رەتتە جولدا اپاتتى جاعدايدا قالعان جولاۋشىلاردى قۇتقارۋ, اپاتتىڭ الدىن الۋ, قار تازالاۋ باستى نازاردا بولماق.
ماماندار بەرىلگەن تاپسىرمانى از ۋاقىتتىڭ ىشىندە ورىنداپ, جەدەلدىك تانىتتى. بايقاۋعا ىشكى ىستەر مينيسترلىگى توتەنشە جاعدايلار كوميتەتىنىڭ وبلىستىق توتەنشە جاعدايلار دەپارتامەنتى وكىلدەرى قاتىستى.
شارا بارىسىندا قىسقى كەزەڭدەگى اپاتتار جانە توتەنشە جاعدايلاردىڭ ناتيجەسىندە زارداپ شەككەندەرگە ءوز ۋاقىتىندا كومەك كورسەتۋگە ارنالعان تەحنيكا مەن قۇرال-جابدىقتاردىڭ جارامدىلىعىنا نازار اۋدارىلدى.
دەپارتامەنت بولىمشەلەرىندە جانار-جاعارماي, ازىق-ت ۇلىكتى جەتكىزۋ, ىزدەۋ-قۇتقارۋ, قىسقى كەزەڭدە ورتتەردى جويۋ جۇمىستارىن جۇرگىزەتىن تەحنيكالاردىڭ جاعدايى تانىستىرىلدى.
ال ماماندار قىس مەزگىلىندە جەكەمەنشىك سەكتورداعى ۇيلەردىڭ تۇرعىندارى وت جاققاندا بارىنشا ساقتىق شارالارىن ۇستانۋى كەرەكتىگىن ايتادى.
بيىل وبلىستا 868 ءورت فاكتىسى تىركەلگەن. تىركەلگەن ورتتەردىڭ 61 پايىزى جەكە سەكتورداعى ۇيلەردە ورىن العان.
ماماندار اۋا رايىنىڭ بۇزىلۋىنا وراي تەلەارنالار مەن راديو ارقىلى حابارلاندىرۋلار جانە جۇگىرتپە جولدار بەرىلەدى. ۇيالى تەلەفونعا SMS حابارلامالار كەلەدى. بۇل ۋاقىتتا ەسكەرتپەلەردى تىڭداپ, الىس جولعا شىقپاعان ءجون.
پاۆلودار وبلىسى