بۇل تۋرالى elbasy.kz حابارلادى.
كەزدەسۋ بارىسىندا نۇرسۇلتان نازارباەۆ تاۋەلسىزدىك جىلدارىندا قازاقستان مەن شۆەيتساريا اراسىندا ەكونوميكانىڭ ءتۇرلى سالالارىندا جاقسى قارىم-قاتىناس قالىپتاسقانىن اتاپ ءوتتى.
– قازاقستانعا قوش كەلدىڭىز. سىزدەردىڭ ەلدەرىڭىزگە بىرنەشە رەت باردىم. شۆەيتساريا – قازاقستاننىڭ ءىرى جانە ماڭىزدى ساۋدا سەرىكتەستەرىنىڭ ءبىرى. ءبىزدىڭ ەلىمىزدى ارقاشان قولداپ كەلەسىزدەر. وسى ىنتىماقتاستىقتى ودان ءارى جالعاستىرعان ءجون. بىزدە شۆەيتساريالىق بيزنەستى قىزىقتىراتىن جوبالار كوپ, - دەدى قازاقستاننىڭ تۇڭعىش پرەزيدەنتى.
ءوز كەزەگىندە ۋلي ماۋرەر نۇرسۇلتان نازارباەۆقا كەزدەسۋ ءۇشىن ريزاشىلىق ءبىلدىرىپ, قازاقستانعا جاساپ جاتقان رەسمي ساپارىنان العان اسەرىمەن ءبولىستى.
– ءبىزدىڭ ەلدەرىمىزدىڭ قارىم-قاتىناسى وتە جاقسى. بۇگىن تاڭەرتەڭ مازمۇندى ءارى جەمىستى كەزدەسۋلەر وتكىزدىم. قازاقستانمەن بىرلەسە وتىرىپ دامىتاتىن كوپتەگەن جوبالاردى تالقىلادىق, - دەدى شۆەيتساريا پرەزيدەنتى.