سولتۇستىك قازاقستان وبلىسىنداعى اقجار اۋدانىنىڭ ورتالىعى تالشىق اۋىلىندا شولاق مىلتىقپەن قارۋلانعان بەلگىسىز بىرەۋلەر «تالشىق استىق LTD» جشس باسشىسىن قورقىتىپ, عيماراتقا باسىپ كىرىپ, 170 ميلليوننان استام تەڭگە مەن 2 ۇيالى تەلەفوندى تارتىپ اكەتكەن.
بۇل وقيعا كەشە 19 ساعات 15 مينۋت شاماسىندا بولعان. قاراقشىلار سانى ءتورت ادام ەكەنى بەلگىلى بولىپ وتىر. اتالعان فاكتى قىلمىستىق كودەكستىڭ «قاراقشىلىق» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. اۋدان ورتالىعىندا بولعان ورەسكەل قىلمىس تۇرعىنداردىڭ الاڭداۋشىلىعىن تۋدىرۋدا.
شەكتەن شىققان قىلمىستى اشۋدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى مارات تولەباەۆ جانە وبلىستىق پروكۋرور باعبان تايىمبەتوۆ وزدەرىنىڭ باقىلاۋىنا الدى. جۇرگىزىلىپ جاتقان جەدەل-تەرگەۋ ءىس-شاراسىنا بارلىق پاترۋلدەر مەن جاساقتار, وبلىستاردىڭ پوليتسيا دەپارتامەنتتەرى جۇمىلدىرىلدى.
سولتۇستىك قازاقستان وبلىسى