كەشە تەننيسشىلەردىڭ الەمدىك رەيتينگى قايتا جاڭاردى. ەرلەر اراسىندا قازاقستاندىق سپورتشى الەكساندر بۋبليك توپ-50 تەننيسشىنىڭ قاتارىنان شىعىپ قالسا, قىزدار اراسىندا ەلەنا رىباكينا ءسات سايىن جوعارىلاپ كەلەدى.
ەرلەر اراسىنداعى رەيتينگتىك كوش باسىندا ايتارلىقتاي وزگەرىس جوق. يسپانيالىق رافاەل نادال الدىنا جان سالماي كەلەدى. ەكىنشى ورىندا سەربيانىڭ ساڭلاعى نوۆاك دجوكوۆيچ ورنالاسسا, ۇزدىك ۇشتىكتى شۆەيتساريالىق رودجەر فەدەرەر تۇيىندەپ تۇر. ال قازاقستاندىق تەننيسشىلەر اراسىندا ەلىمىزدىڭ ءبىرىنشى راكەتكاسى الەكساندر بۋبليك 10 ساتى تومەندەپ, 58-ورىنعا جايعاستى. ميحايل كۋكۋشكين 67-ورنىن ساقتاپ قالسا, دميتري پوپكو ءۇش ساتى جوعارىلاپ 186-ورىنعا تۇراقتادى.
قىزدار اراسىندا اۋستراليالىق ەشلي ءبارتيدىڭ باعى جانىپ تۇر. جاسىل قۇرلىق وكىلىن چەحيالىق كارولينا پليشكوۆا مەن جاپونيالىق ناومي وساكا وكشەلەپ تۇر. WTA رەيتينگىندە «توپ-100» تەننيسشىنىڭ قاتارىنا دا ءۇش وتانداسىمىز ەنىپ وتىر. ولار – يۋليا پۋتينتسەۆا (34-ورىن), ەلەنا رىباكينا (36-ورىن) جانە زارينا دياس (78-ورىن).