پرەزيدەنت قاسىم-جومارت توقاەۆتىڭ تاپسىرماسىمەن نۇر-سۇلتاننىڭ سول جاعالاۋىندا ەلەكتر ەنەرگياسىنىڭ ءوشىپ قالۋ سەبەپتەرىن انىقتاۋ جانە وسى پروبلەمانى شەشۋ ءۇشىن الدىن-الا شارالار قولدانۋ ماقساتىندا قۇرىلعان ارنايى كوميسسيانىڭ العاشقى وتىرىسى ءوتتى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
وتىرىس اياسىندا ەنەرگەتيكا مينيسترلىگىنە جارىقتىڭ اعىتىلۋ سەبەپتەرىن انىقتاۋ ءۇشىن شۇعىل تۇردە ساراپتاما جۇرگىزۋ تاپسىرىلدى, الداعى ۋاقىتتا وسىنداي جاعدايلار قايتالانباۋى ءۇشىن ءتيىستى تەكسەرىس جۇرگىزۋ قاجەتتىگى اتالىپ ءوتتى.
كوميسسيا جۇمىسى وپەراتيۆتى رەجيمدە جالعاسۋدا.