ورتا سالماقتاعى قازاقستاندىق كاسىپقوي بوكسشى جانىبەك ءالىمحان ۇلى اقش-تىڭ فرەسنو قالاسىندا ءوزىنىڭ كەزەكتى جەكپە-جەگىن وتكىزىپ, قارسىلاسىن التىنشى راۋندتا نوكاۋتقا جىبەردى.
جەرگىلىكتى Chukchansi Park سپورت كەشەنىندە وتكەن كەزدەسۋ 10 راۋندقا جوسپارلانعان بولاتىن. التىنشى راۋندا وتانداسىمىز كانادالىق البەرت ونولۋنوسەنى سوققىنىڭ استىنا الىپ, نوكاۋتقا ءتۇسىردى. تورەشى ەسەپ اشقانىمەن, قارسىلاسى ەسىن جيىپ ۇلگەرمەدى. وسىلايشا وتانداسىمىز كاسىپقوي بوكستاعى سەگىزىنشى كەزدەسۋىندە جەڭىسكە جەتىپ, ءتورت كەزدەسۋىن مەرزىمىنەن بۇرىن اياقتادى. سونداي-اق وزىنە تيەسىلى WBC Continental Americas تيتۋلىن ءساتتى قورعاپ قالدى.
سونىمەن قاتار لوس-اندجەلەستە رەيتينگتىك جەكپە-جەك وتكىزگەن قانداسىمىز ماديار اشكەەۆ تە مەرزىمىنەن بۇرىن جەڭىسكە جەتتى. ارگەنتينالىق رودولفو مارتينەسپەن جۇدىرىقتاسقان ول قارسىلاسىن ءۇش رەت نوكداۋنعا جىبەردى. ال التىنشى راۋندتا ارگەنتينالىق بوكسشى جەكپە-جەكتى جالعاستىرۋدان باس تارتتى. بۇل – اشكەەۆتىڭ 14-ءشى جەڭىسى.