نۇر-سۇلتان قالاسى ەسىلدىڭ سول جاعالاۋىندا بىرنەشە كوشە تۇرعىندارى جارىقسىز وتىر. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
«10 قاراشا كۇنى ساعات 15:30-داعى جاعداي بويىنشا نۇر-سۇلتاننىڭ قوناەۆ, سىعاناق, تۇركىستان, الماتى, دوستىق كوشەلەرىندەگى تۇتىنۋشىلار ەلەكتر جارىعىنسىز وتىر. اپاتتان بارلىعى 25 نىسان مەن 7 تۇرعىن ءۇي كەشەنى زارداپ شەكتى» دەپ حابارلادى نۇر-سۇلتان قالاسى اكىمدىگىنىڭ ءباسپاسوز قىزمەتى.
ەسكە سالا كەتسەك, ەلورداداعى «لەۆوبەرەجنايا» 110/10 كۆ شاعىن ستانساسىنىڭ 10 كۆ كابەل كانالىندا ءورت شىعىپ, كابەل لينياسى زاقىمدانعان. سالدارىنان سول جاعالاۋداعى كەيبىر تۇرعىن ۇيلەر جارىقسىز وتىر.
«10 قاراشادا تۇنگى ساعات 02.04-تە اتالعان ستانسادان قوسىلعان نىسانداردىڭ ەلەكترمەن جابدىقتاۋ لينيالارى اپات سالدارىنان اعىتىلا باستادى. وسى كابەل لينيالارىنا قوسىلعان تۇتىنۋشىلار ءورت ءسوندىرۋ بريگادالارىنىڭ ەلەكتر توعى سوعۋىن بولدىرماس ءۇشىن ەلەكترمەن قامتۋدان اجىراتىلدى. اپات سالدارىن جويۋ بريگادالارى قۇرامىندا 15 ادام جانە 6 ارنايى تەحنيكا قاجەتتى جابدىقتارىمەن شۇعىل تۇردە جۇمىسقا كىرىستى. 5 جەدەل-كوشپەلى بريگادا نىسانداردى قايتا قوسۋمەن اينالىسۋدا. قولدا بار بارلىق ءموبيلدى ديزەل-گەنەراتورلار ىسكە قوسىلدى. كابەل جەلىلەرىن قالىپقا كەلتىرۋ جۇمىستارى جالعاسۋدا» دەلىنگەن حابارلامادا.