بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي ءوزىنىڭ Facebook پاراقشاسىندا حابارلادى.
«ومبى قالاسىنداعى ىنتىماقتاستىق فورۋمىنىڭ رەسمي شارالارىنان كەيىن مەملەكەتتەر باسشىلارى ءبىر-بىرىنە ەستەلىك رەتىندە سىيلىق جاسادى. ۆلاديمير پۋتين قاسىم-جومارت توقاەۆقا ءمارمار مەن مالاحيتتان جاسالىپ, كۇمىسپەن كۇپتەلىپ, التىنمەن اپتالعان شاحمات تارتۋ ەتتى. قازاقستان پرەزيدەنتى رەسەيلىك ارىپتەسىنە ۇلت ۇستازى, حالقىمىزدىڭ ۇلى ويشىلى اباي قۇنانباي ۇلىنىڭ 175 جىلدىعىنا وراي ارنايى تارتۋ-تارالعى رەتىندە شىعارىلعان مۇحتار اۋەزوۆتىڭ «اباي جولى» رومانىنىڭ ەكى تومىن سىيلادى» دەلىنگەن حابارلامادا.