بۇگىن قر پرەزيدەنتى جانىنداعى ورتالىق كوممۋنيكاتسيا قىزمەتىندە «استانا كلۋبىنىڭ» الداعى وتىرىسىنا ارنالعان بريفينگ ءوتتى. ەلوردادا حالىقارالىق قاتىناستار سالاسىنداعى الەمدىك دەڭگەيدەگى ساياساتكەرلەر, ساراپشىلار مەن ديپلوماتتاردىڭ باسىن قوسقان حالىقارالىق پىكىرتالاس الاڭى وسىمەن بەسىنشى مارتە وتكىزىلەدى.
شارا سپيكەرلەرلەرى رەتىندە قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ (اەسي) ديرەكتورى ەرجان سالتىباەۆ, قازاقستان رەسپۋبليكاسى تۇڭعىش پرەزيدەنتى-ەلباسى قورىنىڭ حالىقارالىق باعدارلامالارى ورتالىعىنىڭ باسشىسى قايرات ابۋسەيتوۆ, سونداي-اق اەسي ساراپشىسى ەرلان ماديەۆ قاتىستى.
بريفينگتە الداعى شارانىڭ باعدارلاماسى تانىستىرىلىپ, تالقىعا تۇسەتىن تاقىرىپتار جاريالاندى. «استانا كلۋبى 2019» باستى تاقىرىبى – «ۇلكەن ەۋرازيا: جاھاندىق ىنتىماقتاستىقتىڭ جاڭا قۇرىلىمى جولىندا».
حالىقارالىق دەڭگەيدەگى جوعارى تالقىعا 30 ەلدىڭ ساراپشىلارى قاتىسادى. ولار قازىرگى الەمدىك ءتارتىپتىڭ كەلبەتىن قاۋزاپ, دۇنيەجۇزىلىك ەكونوميكانىڭ احۋالى مەن كۇن ساناپ قارقىن العان تەحنولوگيالىق جارىس ماسەلەلەرىن نازارعا الادى. سونداي-اق, يادرولىق قارۋسىزدانۋ ماسەلەسى مەن ەۋرازيا ەلدەرى ءۇشىن سەرىكتەستىكتىڭ جاڭا فورماتىن قۇرۋ بولاشاعىن تالقىلايتىن بولادى.
وسى جانە وزگە دە تاقىرىپتاردى قۇرامىنا بۇرىنعى مەملەكەت جانە ۇكىمەت باسشىلارى, مينيسترلەر, حالىقارالىق ۇيىمداردىڭ باس حاتشىلارى, نوبەل سىيلىعىنىڭ لاۋرەاتتارى مەن گەوساياسات ماسەلەلەرىندەگى بەدەلدى مامانداردى توپتاستىرعان «استانا كلۋبىنىڭ» ساراپشىلارى قاۋزايدى.
ەرجان سالتىباەۆ, الەمدىك ەكونوميكا جانە ساياسات ينستيتۋتىنىڭ ديرەكتورى (اەسي): «ەۋرازيادا گەوساياسي قاراما-قايشىلىقتىڭ كۇشەيۋى بايقالعاندىقتان, ىنتىماقتاستىق پەن كەلىسىمدى رەتتەيتىن جاڭا يدەيالارعا سۇرانىس تۋىندايدى. وسى رەتتە «استانا كلۋبى» ۇلكەن ەۋرازياداعى قاۋىپسىزدىك پەن ىنتىماقتاستىق ماسەلەلەرىن شەشۋدەگى قازاقستاندىق كوزقاراستى العا تارتۋدا ماڭىزدى ءرول اتقارادى.
«استانا» كلۋبى» اياسىندا وتكىزىلەتىن نەگىزگى شارالاردىڭ ءبىرى - «ۇلكەن ەۋرازيانى قۇرۋ: سەرىكتەستىكتىڭ جاڭا ۇلگىسى» پلەنارلىق وتىرىسىنا قازاقستان رەسپۋبليكاسىنىڭ تۇڭعىش پرەزيدەنتى-ەلباسى ن.ءا.نازارباەۆ قاتىسادى. اتالمىش وتىرىستىڭ مودەراتورى - ۇلتتىق مۇددەلەر ورتالىعىنىڭ پرەزيدەنتى, «The National Interest» بەدەلدى جۋرنالىنىڭ باسپاگەرى دميتري سايمس (اقش).
كەلەسى سپيكەرلەر ءوز پىكىرلەرىن ورتاعا سالادى: بەيبىتشىلىك سالاسىنداعى نوبەل سىيلىعىنىڭ لاۋرەاتى (2005), ماگاتە-ءنىڭ باس ديرەكتورى (1997-2009) مۇحاممەد ءال-بارادەي, Goldman Sachs International اتقارۋشى ەمەس توراعاسى, ەۋروپالىق كوميسسيا توراعاسى (2004-2014 جج.) جوزە مانۋەل بارروزۋ جانە JP Morgan Chase International باسقارما توراعاسى, حالىقارالىق وتىزدىق توبىنىڭ توراعاسى (G30) دجەيكوب فرەنكەل.
بۇدان بولەك, سپيكەرلەر قر تۇڭعىش پرەزيدەنت قورى جانىنداعى اەسي الاڭىنىڭ ءباسپاسوز ورتالىعىندا «استانا كلۋبى» اياسىندا وتەتىن ءباسپاسوز-كونفەرەنتسياسى تۋرالى حابارلادى. 11-ءشى قاراشا كۇنى ءباسپاسوز-كونفەرەنتسياسى بارىسىندا الەمدىك ەكونوميكا جانە ساياسات ينستيتۋتىنىڭ اۋقىمدى حالىقارالىق زەرتتەۋ جۇمىسى «ەۋرازيا 2020 ءۇشىن 10 باستى سىن-قاتەر» رەيتينگىسى تانىستىرىلادى.
زەرتتەۋ جۇمىسىنىڭ تەڭ اۆتورلارى: سلوۆەنيا پرەزيدەنتى (2007-2012 جج.) دانيلو تيۋرك, كارنەگي قورىنىڭ ۆيتسە-پرەزيدەنتى ەۆان فەيگەنباۋم (اقش), سونىمەن قاتار, رەسەي ساياسي زەرتتەۋلەر ورتالىعى كەڭەسىنىڭ توراعاسى ەۆگەني بۋجينسكي (رەسەي).
«الەم حالقىنىڭ 60%, دۇنيەجۇزىلىك ءجىو 65% جانە ەنەرگەتيكالىق رەسۋرستاردىڭ 75% شوعىرلانعان جەر شارىنىڭ ءىرى قۇرلىعى ەۋرازيادا قازىرگى تاڭدا سىن-تەگەۋرىندەر مەن قاۋىپ-قاتەر ارتا تۇسۋدە. قايشىلىق كۇشەيگەن تۇستا تاۋەكەلدەردى دالمە-ءدال انىقتاپ, ونىڭ دامۋ ستسەناريىن بولجاۋدا سالماقتىلىق پەن ناقتىلىق قاجەت. ەۋرازيا ءۇشىن سىن-قاتەرلەردى كارتاعا ءتۇسىرۋ مىندەتىنىڭ وزەكتىلىگى 2020 جىلعا بولجام جاسالعان «استانا» كلۋبىنىڭ سىن-قاتەرلەر رەيتينگىسىنىڭ ەكىنشى شىعارىلىمىمەن راستالا ءتۇستى», - دەيدى ەرجان سالتىباەۆ.