تۇرعىنداردان تۇسكەن وتىنىشتەر بويىنشا 32 باعىتتىڭ پاركى 100 پايىزعا جاڭارتىلدى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى.
22 جوسپارلى كولىك بىرلىگى باعىت بويىنشا قوزعالادى جانە تاعى 2-ءى رەزەرۆتە. باعىت جاڭادان جەتكىزىلگەن Zhontong ماركالى 30 اۆتوبۋستىڭ ەسەبىنەن جاڭاردى.
مەملەكەتتىك تىركەۋدەن ءوتىپ, «وڭاي» قوندىرعىسى ورناتىلعان سوڭ اۆتوبۋستار جۇمىس ىستەۋگە دايىن بولادى. بارلىق كولىكتەر تومەن ەدەندى, سىيىمدىلىعى ۇلكەن ءارى قالا جولاۋشىلارىن تاسىمالداۋ ءۇشىن ارنايى جاسالعان. اۆتوبۋستار تابيعي گازبەن جۇرەدى (CNG), كونديتسيونەر جانە ۆيدەوباقىلاۋ ورناتىلعان. سىيىمدىلىعى — 104 ادام, وتىراتىن 22 ورىن جانە قيمىلى شەكتەۋلى جاندار ءۇشىن 3 ورىن بار.