بۇگىن ەلوردادا اقپارات جانە قوعامدىق دامۋ ءمينيسترى داۋرەن اباەۆتىڭ قاتىسۋىمەن قازاقستان ءدىنتانۋشىلارىنىڭ كەزەكتى IX فورۋمى ءوتىپ جاتىر.
ەلدىڭ بارلىق وڭىرلەرىنەن فورۋمعا قاتىسۋ ءۇشىن ءدىن سالاسىنداعى جەرگىلىكتى اتقارۋشى ورگانداردىڭ وكىلدەرى, ءدىنتانۋشىلار مەن تەولوگتار, ەلىمىزدىڭ جوعارى وقۋ ورىندارىنىڭ ءدىنتانۋ فاكۋلتەتتەرىنىڭ وقىتۋشىلارى مەن ستۋدەنتتەرى كەلدى.
قاتىسۋشىلار ءدىني سالانى رەتتەۋ پروتسەسىندە تۋىندايتىن نەگىزگى ماسەلەلەردى, ماقساتتى اقپاراتتىق ءتۇسىندىرۋ جۇمىسىن قالاي ءتيىمدى جۇرگىزۋدى, ينتەرنەت كەڭىستىگىندە راديكالدى يدەولوگياعا قارسى تۇرۋ جانە دەسترۋكتيۆتى ءدىني اعىمداردىڭ يدەولوگياسىنان زارداپ شەككەن ادامداردى وڭالتۋ ءۇشىن نەنىڭ قاجەت ەكەنىن تالقىلادى.
ءۇش سەكتسيالىق وتىرىس بارىسىندا وسى باعىتتار بويىنشا ارنايى شاقىرىلعان ماماندار ءسوز سويلەدى.