بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى حابارلادى.
جىل باسىنان بەرگى 9 اي ارالىعىندا ماس جۇرگىزۋشىلەر تاراپىنان 342 جول-كولىك وقيعاسى ورىن العان. سالدارىنان 64 ادام قازا تاۋىپ, 493 ادام جاراقات العان.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ەلىمىزدىڭ جولدارىنداعى جاعدايدىڭ الاڭداۋشىلىق تۋدىراتىنىن اتاپ وتكەن ەدى جانە ماس كۇيدە اۆتوكولىك جۇرگىزگەنى ءۇشىن جازانى قاتاڭداتۋ قاجەتتىلىگىنە ەرەكشە نازار اۋداردى. مەملەكەت باسشىسىنىڭ تاپسىرماسىنا سايكەس ىشكى ىستەر مينيسترلىگى وسىنداي قۇقىق بۇزۋشىلىقتار ءۇشىن قىلمىستىق جانە اكىمشىلىك جاۋاپكەرشىلىكتى كۇشەيتۋ جونىندە ۇسىنىستارمەن باستاما كوتەردى.«بەيبىت ومىردە ماس كۇيىندە كولىك باسقارعان جاۋاپسىز جۇرگىزۋشىلەر كىناسىنەن جولداردا ادامدار قازا تاۋىپ جاتىر. ولاردى اقتاۋعا بولمايدى. سوندىقتان وسىنداي زاڭ بۇزۋشىلىقتار مەن قىلمىستار ءۇشىن ولاردىڭ سالدارىنىڭ اۋىرلىعىنا تەڭبە-تەڭ جازا بولۋى ءتيىس», - دەدى ءىىم قىزمەت باسشىلارىمەن وتكىزگەن كەڭەسىندە مينيستر ەرلان تۇعىمباەۆ.
جىل باسىنان بەرى پوليتسيا قىزمەتكەرلەرى ماس كۇيدە كولىك جۇرگىزگەن 22 مىڭنان استام جۇرگىزۋشىنى انىقتادى. ولاردىڭ 17 مىڭنان استامى اۆتوكولىكتى باسقارۋ قۇقىعىنان ايىرۋ تۇرىندەگى اكىمشىلىك جاۋاپكەرشىلىككە تارتىلدى. جۇرگىزۋشىلىك قۇقىعىنان ايىرىلعان ءارى ماس كۇيدە بولعان 1 878 ادام قىلمىستىق جاۋاپكەرشىلىككە تارتىلدى.
سونىمەن بىرگە ستاتيستيكا كورسەتىپ وتىرعانداي, قولدانىستاعى اكىمشىلىك جازالار جۇرگىزۋشىلەردىڭ تارتىبىنە قاجەتتى دەڭگەيدە اسەر ەتپەيتىنىن جانە جكو سانىنىڭ تومەندەمەي وتىرعانىن بايقاتادى.ماس كۇيدە كولىك جۇرگىزگەنى ءۇشىن جازانى قاتاڭداتۋ بارلىق جول قوزعالىسىنا قاتىسۋشىلاردىڭ, جۇرگىزۋشىلەردىڭ دە, جولاۋشىلاردىڭ دا, سونداي-اق جاياۋ جۇرگىنشىلەردىڭ دە قاۋىپسىزدىگىن قامتاماسىز ەتۋگە مۇمكىندىك بەرەدى.
قازىرگى ۋاقىتتا مۇددەلى مەملەكەتتىك ورگاندارمەن, دەپۋتاتتىق كورپۋسپەن, جۇرتشىلىقپەن كەلىسىلەتىن ءتيىستى ۇسىنىستار دايىندالۋدا.