«قازگيدرومەت» رمك اقپاراتى بويىنشا, 6 قاراشا كۇنى نۇر-سۇلتاندا كوكتايعاق كۇتىلەدى. وسىعان بايلانىستى قالا تۇرعىندارى مەن قوناقتارىن جولدا اباي بولۋعا جانە وسىنداي اۋا رايىندا قاراپايىم ءتارتىپ ەرەجەلەرىن ساقتاۋعا شاقىرادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
«نۇر-سۇلتان قالاسى توتەنشە جاعدايلار دەپارتامەنتىندە قالا تۇرعىندارى مەن قوناقتارىنا كوكتايعاقتا قۇلاماۋ ءۇشىن ارنايى ەرەجەلەر ساقتاۋدى ۇسىنادى.
بيىك وكشەلى اياق كيىمنىڭ ورنىنا تابانى تايعانامايتىن اياق كيىمدى تاڭداپ الۋ كەرەك. سونداي-اق جولدىڭ ءوتۋ بولىگىندە وتە ساق بولۋ كەرەك, اسىقپاي, جۇگىرمەي ءوتۋ قاجەت. سونىمەن قاتار, ەڭىس بەتى بار ورىنداردى اينالىپ وتكەن ابزال.
قولدارىڭىزدى قالتاڭىزعا سالماي, بوس بولۋى كەرەك. سەبەبى قۇلاۋ ىقتيمالدىعىن ارتتىرادى. اۋىر سومكەلەردى ارقالاماعان ءجون. ال قارت كىسىلەرگە - قارت ادامدارعا رەزەڭكە ۇشى بار نەمەسە ارنايى ۇشتى تاياق قولدانۋعا كەڭەس بەرىلەدى.
الدىڭىزعا قاراپ, اياعىڭىزدى ابايلاپ باسقانىڭىز ءجون. تايعاناق ورىنداردى اينالىپ ءوتۋ قاجەت ءارى مىنا نارسەنى ەستە ۇستاعان ءجون: ارقامەن, بەتپەن قۇلاعان وتە قاۋىپتى. بۇل ميدىڭ شايقالۋىنا اكەلىپ سوعادى. جاراقاتتانعان سوڭ ۋاقىت سوزدىرماي دارىگەرگە قارالۋ قاجەت.
جۇرگىزۋشىلەرگە كولىكتى كۇرت تەجەۋدەن اۋلاق بولۋ كەرەك. ەگەر دە جولعا شىعۋعا تۋرا كەلسە, تۇمان ايماعىندا جىلدامدىقتى ايتارلىقتاي تومەندەتۋ قاجەت, ال ەگەر جولداعى كورىنۋ ەكى مەتردەن اسپايتىن بولسا, قوزعالىستى توقتاتۋ ۇسىنىلادى. سونداي-اق مىندەتتى تۇردە گاباريتتىك جارىقتى قوسۋ جانە ءتۇرلى مانەۆرلەر, اتاپ ايتقاندا باسىپ وزۋلاردان اۋلاق بولۋ كەرەك.
جاياۋ جۇرگىنشىلەرگە جولدى بەلگىلەنگەن جاياۋ جۇرگىنشىلەر وتەتىن جەرلەردە عانا ءوتۋ ۇسىنىلادى. ساق بولۋ, اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى اقپاراتتى قاداعالاۋ قاجەت.
قۇرىلىس وبەكتىلەرىنە قولايسىز اۋا رايى جاعدايى اسەرىنەن اۋماقتاردى جانە تۇرعىنداردى قورعاۋ, قۇرىلىس الاڭدارىندا مۇمكىندىگىنشە قۇرىلىس-مونتاج جۇمىستارىن جۇرگىزۋدى شەكتەۋ بويىنشا قوسىمشا شارالاردى قابىلداۋ قاجەت.
توتەنشە جاعداي تۋىنداعان جاعدايدا «112» نومىرىنە قوڭىراۋ شالىڭىز», دەلىنگەن حابارلامادا.