بەلارۋستىڭ گرودنو قالاسىندا ءوتىپ جاتقان اۋىر اتلەتيكادان Alexander Cup حالىقارالىق ءتۋرنيرى قازاقستاندىق سپورتشىلار ءۇشىن ءساتتى وتۋدە. جارىستىڭ ءۇشىنشى كۇنىندە ەرلەر اراسىنداعى باسەكەدە ريو وليمپياداسىنىڭ جەڭىمپازى نيدجات راحيموۆكە تەڭ كەلەر قارسىلاس تابىلمادى.
كەلەسى جىلى توكيودا وتەتىن وليمپيا ويىندارىنا جولداما بەرەتىن نەگىزگى ءتۋرنيردىڭ ءبىرى سانالاتىن دودادا جارىس جولىنا 81 كيلو سالماقتا شىققان وتانداسىمىز قوس سايىس ناتيجەسى بويىنشا 344 كيلو (151+193) زىلتەمىردى باعىندىرىپ, حالىقارالىق ءتۋرنيردىڭ جەڭىمپازى اتاندى. سونداي-اق وسى سالماقتا سىنعا تۇسكەن تاعى ءبىر قازاقستاندىق سپورتشى, ريو وليمپياداسىنىڭ قولا جۇلدەگەرى دەنيس ۋلانوۆ وزىنە بەرىلگەن ءۇش مۇمكىندىكتى پايدالانا الماي, جارىستى ءساتسىز اياقتادى.
ايتا كەتەيىك, بۇعان دەيىن Alexander Cup تۋرنيرىندە قىزدار اراسىنداعى باسەكەدە سىنعا تۇسكەن 71 سالماقتاعى ەكاتەرينا بىكوۆا باس جۇلدەنى جەڭىپ العان بولسا, ءتۋرنيردىڭ ءبىرىنشى كۇنىندە 55 كيلوداعى تاعى ءبىر جەرلەسىمىز ءزۇلفيا چينشانلو قولا مەدال يەلەنگەن-ءدى.